Ekesote 21:1 - Tosi Tapu

¹ Ko nei a lao ala e ke tuku loa kia latou.

Ekesote 21:1 Iomraidhean Croise

Uluaki tosi o Sau 6:12

Kapau e ke saele loa o mulimuli ki aku lao, kapau e ke fai aku fakatotonu, kapau e ke tausi mo muli ki aku folafola fuli, e kau fakasoko loa kiate koe le fakapapau leia na kau fai kia Tavite, lou tamana,

Lua tosi o Koloniko 19:10

I visi fuli ala e avatu loa kia koutou e okoutou fetaina i kolo ala e lotou nonofo ai, o uiga mo se tukipo, mo se lao, mo se fakatotonu, mo ni pelesepeto, mo ni fakatuutuu, ke kotou fakamalamai loa latou, o tupu ke aua na lotou agasala loa ki le Eteleno, ti ke aua na vilo loa lona sausau kia koutou mo okoutou fetaina. E kotou fai fenaaki loa, ti e leaise kotou faisala loa.

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Pesalemo 147:19

E fakasa e ia lana folafola kia Sakopo, Ana lao mo ana fakatotonu ki Iselaele ;

Ekesote 19:7

Na toe liliu loa Moisese ki le nofolaga o fakatasii le kau matua o le kakai, ti na tuku loa e ia ki olatou mua a folafola fuli ala na fakatotonu ake e le Eteleno kiate ia.

Esekiele 20:11

Ti na kau soli loa kia latou aku lao ti na kau fakasasa loa kia latou aku fakatotonu, ala e tonu ke fai e le tagata, o tupu ke mauli ai.

Esekiele 20:25

Na kau tuku foki kia latou ni pelesepeto ala na leaise malilie, mo ni fakatotonu ala na leaise feala ke lotou mauli ai.

Levitiko 18:26

Koia, kotou tausi loa aku lao mo aku fakatotonu, ti e leaise kotou fai loa se nea fakalialia e tasi i nea ana, e leia o le fenua mo le matapule leia e nofo i loto malie o koutou.

Levitiko 18:5

Kotou tausi loa aku lao mo aku fakatotonu : ko le tagata leia e fai ia loa latou e mauli loa ia latou. Ko au ko le Eteleno.

Levitiko 19:37

Kotou tausi loa aku lao fuli mo aku fakatotonu fuli, ti kotou fai loa latou. Ko au ko le Eteleno.

Levitiko 20:22

E kotou tausi loa aku lao fuli mo aku fakatotonu. Ti e leaise luluai loa koutou e le fenua leia e kau taki loa koutou ki ai ke koutou nofoi.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Numelo 35:24

Ko na lekula ala e tonu ke tioi e le kakai i le aso o le fakamaau o le tagata tukipo mo le tagata totogi toto.

Numelo 36:13

Ko na a lao ala na tuku e le Eteleno ia Moisese ki fanau a Iselaele, i le fenua o Moape, i tafa o le Solotane, i mua o Seliko.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Tetelonome 15:12

Kapau e fakatau loa kiate koe se tasi i ou fetaina epeleo, tagata pe fafine, e fakasausau loa a ia kiate koe i fetuu e ono ; kae i le fitu o fetuu, e ke tuku loa a ia ke mavae lauatea mei lou fale.

Tetelonome 4:14

I le temi lena, na fakatotonu mai loa e le Eteleno kiate au ke ako kia koutou ni lao mo ni fakatotonu, o tupu ke kotou fai latou i le fenua leia ka kotou too loa mo tofiga.

Tetelonome 4:45

Ko nei a fakamaoki, mo lekula, mo fakatotonu ala na fakasa e Moisese ki fanau a Iselaele, i le oki o le mavae mei Esipito.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Tetelonome 4:8

Ti ko ai le puleaga lasi leia e maua ia ni lao mo ni lekula faitotonu, o tatau mo le lao katoa leinei e kau tuku atu kia koutou i le aso nei ?

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 5:31

Kae ko koe, nofo i leinei mo au, ti e kau fakasa loa kiate koe a folafola fuli, mo lao, mo lekula, ala ke ke ako loa kia latou ke lotou fai latou i le fenua leia e kau soli kia latou mo tofiga.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:20

Ka vesili atu loa i se aso lou vosa kiate koe : Kolea na tuku atu ai e le Eteleno kia koutou a folafola, mo lao, mo lekula ana ?

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.