Ekesote 20:5 - Tosi Tapu

⁵ Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 20:5 Iomraidhean Croise

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Lua tosi a Samuele 21:6

ke tuku mai kia matou ni tagata e toka fitu i lona sokoga ti e motou tautau loa latou i mua o le Eteleno i Kipea o Saulo, le filifiliia a le Eteleno. Ti na pati loa le sau : E kau tuku atu loa latou.

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Lua tosi o Sau 17:35

Na fai e le Eteleno se sai mo latou, ti na tuku e ia kia latou le fakatotonu leinei : E leaise kotou i loa ki ni iki ake atua ; e leaise kotou punou loa i olatou mua, e leaise kotou tausi loa kia latou, ti e leaise kotou momoli loa kia latou ni sakilifisio.

Lua tosi o Sau 17:41

Na i a puleaga ana ki le Eteleno mo tausi ki olatou fakatata ; ti na fai e alatou fanau mo fanau o alatou fanau o kaku mai ki le aso leinei a nea ala na fai e olatou tamana.

Lua tosi o Sau 23:26

Kae na logo ai le nea lena, na leaise tafoki loa le Eteleno mei le kaka o lona sausau lasi ki Suta, o tupu ko nea fuli ala na fai e Manase ke tupu ai lona ita.

Lua tosi o Sau 5:18

Ko leinei fua le nea leia e kau kole ki le Eteleno ke fakamolemole mai ki lau tagata fakasausau. Ka ulu loa loku pule ki le fale o lona atua ko Limoni o tulolo i ai, ti ka falanaki loa a ia ki loku lima, e kau toe tulolo foki i le fale o Limoni. Ke alofa le Eteleno o fakamolemole ki lau tagata fakasausau, mo ka e kau tulolo loa i le fale o Limoni !

Lua tosi o Sau 5:27

E pipiki loa le kilia o Naamane kiate koe mo lou sakoga o lee gato. Ti na mavae loa Keasi meia Eliseo mo se kilia kua tea ofaipe le nive.

Lua tosi o Koloniko 25:14

I le toe liliu mai loa a Amatesia i le oki o le lava o le kau Etome, na aumai loa e ia ni fakatata mei vosa o Seili, ti na fakaliliu loa e ia latou ko ona atua ; na punou loa a ia i olatou mua o tutu kia latou ni nea fakamanogi.

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Sopo 21:19

Pe taofi e le Atua ki vosa le tautea a le tamana ? Kae ko ia leia e tonu ke tautea e le Atua, o tupu ke iloa e ia le Atua.

Sopo 5:4

Ke aua na toe maua e ona vosa se ulufaga, Ke fakatua latou e le fakamaau, ti ke aua na saofaki latou e se tasi !

Pesalemo 109:14

Ke manatui tuumau e le Eteleno le agaveli o ona tamana, Ti ke aua na soloi le agasala o lona tinana !

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Pesalemo 79:8

Aua na ke toe manatui amatou agaveveli i le temi kua sili ! Tuku ke au vave ou manava alofa ki omatou mua ! Talie kua motou fakaaloalofa ai.

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Ekesote 34:14

E leaise ke punou loa ki se atua kese ; talie e maua e le Eteleno le igoa ko finenonofo, ko se Atua finenonofo a ia.

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Esaia 44:15

E aoga a laakau ana ki le tagata ke tafu ai le afi ; E too e ia se potu ti e fakamafana a ia ki ai, E fakamoso e ia lana nea kai ki le tasi a potu. Ti e toe fai foki e ia ki ai se atua, leia e atolasio a ia ki ai, E fai e ia ki ai se taulaatua, leia e punou a ia ki ai.

Esaia 44:19

E leaise fakakaukau a ia, Ti e leaise maua e ia se atamai, pe ko le manatu poto fua ke pati : Na kau tafu le afi ki le koga o le laakau leinei, Na kau fakamoso se nea kai i malala kaka, Na kau tunu i ai se inati ti na kau kai a ia ; Ti e kau fai loa ki le toe o le potu laakau se nea fakalialia ! E kau punou loa i mua o se potu laakau !

Selemia 2:9

Koia e pati le Eteleno : E kau loto ke kau toe masau kia koutou, E kau loto ke kau masau ki akoutou fanau ti mo fanau o akoutou fanau.

Selemia 32:18

E ke manava alofa o kaku ki le tautupu afe, Ti e ke tautea le agaveli a tamana ki fatafata o alotou fanau ala e mulimuli ia latou. Ko koe ko le Atua lasi, le mafimafi, Leia e igoa ko le Eteleno o kau tau.

Esekiele 18:19

E kotou pati : Kolea e leaise amo ai loa e le vosa le agasala a lona tamana ? Talie na fai e le vosa o mulimuli ki le faitotonu mo le maoki, talie na tausi e ia ti mo fai e ia aku lao fuli ; e mauli loa a ia.

Esekiele 18:2

Kolea e kotou fai ai le taagapati leinei i le fenua o Iselaele : Kua kai e tamana ni fuai vite momoto, ti kua makiti a nifo o fanau ?

Esekiele 20:7

Na kau pati kia latou : Ke kotou tasi tiaki a nea fakalialia ala e toso ia okoutou mata, ti aua na kotou fakakelekele koutou ki a taulaatua o Esipito ! Ko au ko le Eteleno, lokoutou Atua.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Taniela 3:18

Kapau e leai, ke ke iloa, ei aliki sau, e leaise motou tausi loa ki ou atua, ti e leaise motou atolasio loa ki le fakatata aulo leia na ke fakatuu ia.

Levitiko 20:5

E kau fulusi loa, e au, oku mata ki le tagata lena mo lona famili, ti e kau tuuti loa a ia mei lona kakai, mo latou fuli ala na kau mo ia ki le tausi fakalialia kia Moloke.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Levitiko 26:29

E kotou kai loa a tino okoutou vosa, ti e kotou kai loa a tino okoutou taineliki.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Numelo 14:33

ti e eva loa okoutou fanau i fetuu e kau fa i le toafa, ti e lotou amo loa le tua o akoutou agatuu, o kaku ki lokoutou mamate fuli i le toafa.

Numelo 25:11

Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.

Mateo 4:9

ti na pati loa a ia kiate ia : E kau soli atu loa kiate koe a nea fuli ana mo kapau e ke tulolo o atolasio mai kiate au.

Soane 15:18

Kapau e vesia le malama nei kia koutou, kotou iloa na uluaki vesia a ia kiate au ia koutou.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 9:2

Na fai loa e ana tisipulo kiate ia le vesili leinei : Pule, ko ai na agasala, ko le tagata leinei pe ko ona matua, ke tupu kivi ai a ia ?

Loma 1:30

Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Loma 8:7

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 32:41

Kapau e kau fakakakai ke gigila laku seleta, Ti kapau e too e loku lima le faitotonu, E kau lagavaka loa ki oku fili, Ti e kau tautea loa latou ala e vesia kiate au.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Tetelonome 5:10

kae e fakasa ia lona manava alofa o kaku ki le afe o tautupu kia latou ala e alofa kiate au ti mo tausi aku folafola.

Tetelonome 5:9

Ke aua na ke punou loa i mua o nea ana, ti aua na ke tausi loa kia latou ; talie ko au ko le Eteleno, lou Atua, ko au ko se Atua finenonofo, leia e tautea ia le agasala a tamana ki vosa o kaku ki le tolu mo le fa o tautupu o latou ala e vesia kiate au,

Tetelonome 6:15

Talie ko le Eteleno, lou Atua, ko se Atua finenonofo a ia i loto malie o ou. Talie e mu loa le sausau o le Eteleno kiate koe, ti e maumaui loa e ia a koe i aluga o le kele.

Tetelonome 7:10

Kae fakatuaa loa e ia latou ala e vesia kiate ia, ti e tamate e ia latou ; e leaise toe fai fakatuvai e ia ki leia e vesia kiate ia : E tuku fakasako e ia kiate ia lona tua.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.

Tuifakamaau 2:19

Kae i le mate o le tui fakamaau, na lotou toe liliu loa o veli ake i olatou tamana. Na lotou toe pipiki loa ki ni atua kese, o tausi loa kia latou ti mo atolasio loa kia latou. Na leaise lotou tiaki loa alatou aga fakalialia mo alatou agatuu.