Ekesote 20:4 - Tosi Tapu

⁴ Aua na ke fai loa kiate koe se fakatata fatu, pe ko se paaki o se nea leia e maua i aluga i le lagi, pe ko se nea leia e maua i lalo i le kele, pe ko se nea leia e maua i le tai leia e taulalo ake i le kele.

Ekesote 20:4 Iomraidhean Croise

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Lua tosi o Sau 17:12

Na lotou tausi ki taulaatua ala na pati ki ai le Eteleno : E leaise kotou fai loa le nea lena.

Lua tosi o Koloniko 33:7

Na fakatuu loa e ia le fakatata leia na ta e ia ki le fale o le Atua, le fale leia na pati ki ai le Atua kia Tavite mo Salomone, lona vosa : Kua kau filifili le fale leinei mo Selusalemi i nofoaga fuli o Iselaele ke agai ai loku suafa o lee gato.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:23

Na lotou pati mai kiate au : Fai mai kia matou se atua leia e saele i omatou mua ; talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:4

Na too loa e Alone a nea ana mei olatou lima, o laku latou ki se kulo, ti na fai loa e ia se fakatata ko se uviki pipi ki le aulo leia na saka. Ti na pati loa le kakai : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 32:8

Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 34:17

E leaise ke fai loa kiate koe se atua ki se ukamea kua saka.

Esaia 42:17

E lotou solomuli loa, e lotou luma loa, Latou ala e fanaki ki taulaatua ta, Latou ala e pati ki taulaatua ukamea saka : Ko koutou ko omatou atua !

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 45:16

Kua lotou luma fuli ti kua lotou fakasemala fuli i le fau o taulaatua. Kua lotou saele tulolo fuli i le luma, Latou fuli ala na fau ia ni taulaatua.

Esekiele 20:7

Na kau pati kia latou : Ke kotou tasi tiaki a nea fakalialia ala e toso ia okoutou mata, ti aua na kotou fakakelekele koutou ki a taulaatua o Esipito ! Ko au ko le Eteleno, lokoutou Atua.

Esekiele 8:10

Na kau ulu loa, o tio ; ti ko leinei, na i ai ni paaki o manu totolo kesekese fuli, mo manu fakalialia, mo taulaatua fuli o le fale o Iselaele, kua tosi i le takatakai katoa o le paa.

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Tetelonome 16:22

Ti ke aua na ke fakatuu ia loa se fatu tapu. Talie ko nea ana e fakalialia ki ai le Eteleno, lou Atua.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 5:8

Ke aua na ke fai ia loa se fakatata, pe ko se paaki o se nea fua e tasi i nea ala e maua i aluga i le lagi, mo aluga o le kele, mo le vai o taulalo ake i le kele.

Apokalipisi 16:2

Ti na ano loa le uluaki aselo, o liligi lana ipu ki le malama nei. Ti na to loa se papala veli mo mamae ki tagata ala na maua ia le fakamailoga o le manu fekai ti na su ki lona fakatata.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;

Tuifakamaau 17:3

Na liufaki loa e Mika ki lona tinana a fa sikele e afe tasi mo le kau lelau e tasi ; ti na pati loa lona tinana : E kau loto ke fakatapui le paaga leinei ki le Eteleno, o tupu ke fai ki ai se fakatata kua ta mo se fakatata kua saka ki loku vosa : Ko leinei, e kau toe tuku atu loa a ia kiate koe.