Ekesote 20:25 - Tosi Tapu

²⁵ Kapau e ke fakatuu ia loa se aletale fatu kiate au, e leaise ke fai loa a ia ki ni fatu ta ; talie i lau ta le fatu ki le siso, e ke fakakelekele ai loa le fatu.

Ekesote 20:25 Iomraidhean Croise

Uluaki tosi o Sau 6:7

I le fakatuu o le fale, na fakaaoga ata ni fatu kua ta, ti na leaise logo fua ki se amale, pe ko se toki, pe ko se tasi ake nea gaoi ukamea i le lolotoga o le fakatuu o le fale.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Esekiele 40:42

Ko laupapa e fa ala na fakaaoga ki le teuteui o failaulau, na fau ki ni fatu ta, ti na tatau lona loa mo lona laulasi, ko satimeta e kau fitu tupu lima, ti na satimeta kau lima lona taualuga ; na teki ki ai a nea gaoi ala na aoga ki le teuteui o manu ki failaulau mo la ake sakilifisio.

Sosue 8:31

o mulimuli ki le nea leia na fakatotonu e Moisese, tagata fakasausau a le Eteleno, ki fanau a Iselaele, nea kua tuu i le tosi o le lao a Moisese : ko se aletale na fau ki ni fatu katoa, ala na leaise siki ki ai le ukamea. Na lotou momoli loa i ai ni failaulau ki le Eteleno mo ni sakilifisio fakafetai.