Ekesote 20:24 - Tosi Tapu

²⁴ E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Ekesote 20:24 Iomraidhean Croise

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Lua tosi a Samuele 6:12

Na fakasa loa ki le sau ko Tavite : Kua tapuakii e le Eteleno le fale o Opeto-Etome mo ana nea fuli, o tupu ko le aleka o le Atua. Ti na ano loa Tavite, o avake le aleka o le Atua mei le fale o Opeto-Etome ki le kolo o Tavite, i loto malie o ni fakafiafia.

Uluaki tosi o Sau 8:29

O tupu ke agai ou mata ki le fale leinei i le po mo le ao, ki le ganea leia na ke pati ki ai : E kau fakasa loa i ai loku agai. Fakalogo mai ki le kole leia e fai atu kiate koe e lau tagata fakasausau i le ganea leinei.

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Lua tosi o Sau 5:17

Koia na pati ai loa Naamane : Ko leinei e leaise ke tali se nea alofa, fakataga ke soli mai ki lau tagata fakasausau se ga kele mei lou fenua o fakauta ki le kavega a ni osi e lua ; talie e leaise toe loto loa lau tagata fakasausau ke momoli ki ni iki ake atua se failaulau mo se sakilifisio, e momoli loa e ia ki le Eteleno toka tasi.

Lua tosi o Koloniko 12:13

Na toe fakamakeke loa le sau ko Lopoamo i Selusalemi ti na toe liliu loa a ia ko le sau, ti na sau loa a ia i fetuu e kau fa tupu fitu i Selusalemi, le kolo leia na filifili e le Eteleno i faasiga fuli o Iselaele ke agai ai lona suafa. Na igoa lona tinana ko Naama, fafine Amone.

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Lua tosi o Koloniko 7:16

I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Esetalasi 6:12

Ke maumaui e le Atua, leia e agai lona suafa i le ganea lena, a sau fuli mo kakai fuli ala e falo loa olatou lima ke maumaui laku fakatotonu, ti mo maumaui le fale lena o le Atua i Selusalemi ! Ko au, Taliusi, na kau tuku le fakatotonu leinei. Ke fai katoa a ia.

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Pesalemo 101:2

E kau tokaga loa ki le ala sako. Pe ke au loa afea kiate au ? E kau saele loa i le maoki o loku loto, I loto malie o loku fale.

Pesalemo 122:2

E tutuu omatou vae I ou matapa, Selusalemi !

Pesalemo 128:5

E tapuaki loa le Eteleno kiate koe mei Sione, Ti e ke tio loa ki le manuia o Selusalemi I aso fuli o lou mauli ;

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Pesalemo 74:7

Na lotou tafu le afi i lou sagatualio ; Na lotou soloi mo fakakelekele le nofoaga o lou suafa.

Pesalemo 76:2

E iloa le Atua i Suta, E lasi lona suafa i Iselaele.

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Ekesote 10:25

Na tali loa Moisese : E ke tuku mai loa, e koe totonu, ki omatou lima le nea leia e aoga ki amatou sakilifisio mo amatou failaulau ala ka motou momoli loa ki le Eteleno, lomatou Atua.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 20:25

Kapau e ke fakatuu ia loa se aletale fatu kiate au, e leaise ke fai loa a ia ki ni fatu ta ; talie i lau ta le fatu ki le siso, e ke fakakelekele ai loa le fatu.

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 24:5

Na kakau loa e ia ni tama tupulaga o fanau a Iselaele, ke lotou momoli ki le Eteleno ni failaulau, ti ke lotou tamate ni pipi tagata ki ni sakilifisio fakafetai.

Ekesote 27:1

E ke fai loa le aletale ki le akasia ; ko lona loa ko meta e lua vaelua, ti ko lona laulasi ko meta e lua vaelua. E potupotu tatau loa le aletale, ti ko lona taualuga e meta tasi vaelua.

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Levitiko 17:9

ti e leaise aumai loa e ia a ia ki le uluaga o le falela tapu, ke momoli ki le Eteleno, e tuuti loa le tagata lena mei le kakai.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 18:20

Talie ko le ganea leia e fakatasi ai i loku suafa se toka lua pe ko se toka tolu, e kau nofo i loto malie o latou.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:21

Kapau e mamao meiate koe le ganea leia e filifili loa e le Eteleno, lou Atua, ke fakanofo ai lona suafa, e feala loa ke ke tamate se manu lasi pe ko se manu ikiiki, o fai ki le nea leia kua kau fakatotonu atu kiate koe, ti e feala loa ke ke kai a ia o fai ki lou loto.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.