Ekesote 20:2 - Tosi Tapu

² Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 20:2 Iomraidhean Croise

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Lua tosi o Sau 17:12

Na lotou tausi ki taulaatua ala na pati ki ai le Eteleno : E leaise kotou fai loa le nea lena.

Lua tosi o Sau 17:7

Na soko loa le nea lena o tupu na agasala aifai a fanau a Iselaele ki le Eteleno, lolatou Atua, leia na fakamavae ia latou mei le fenua o Esipito, mei le lima o Falaone, sau o Esipito, ti toe tupu na lotou tausi ki ni atua kese.

Lua tosi o Koloniko 28:5

Na tuku loa a ia e le Eteleno, lona Atua, ki lima o le sau o Silia ; ti na taai loa a ia e le kau Silia, ti na lotou ave popula loa se toka api ki Tamaso. Na toe tuku foki a ia ki lima o le sau o Iselaele, leia na taai fakavelivelii ia a ia.

Pesalemo 50:7

Fakalogo mai, ei loku kakai ! ti e kau masau loa ; Iselaele ! e kau valoki loa a koe, Ko au ko le Atua, ko lou Atua.

Pesalemo 81:10

Ke aua na maua loa iate koe se atua kese ! Aua na ke punou loa i mua o ni atua kese !

Pesalemo 81:11

Ko au ko le Eteleno, lou Atua, leia na fakamavae ia a koe i le fenua o Esipito Fakamavaa lou gutu, ti e kau fakaapele loa a ia !

Pesalemo 81:7

Na kau too le amoga i lona tuauma, Ti na tiaki e ona lima le kete.

Ekesote 13:14

Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 20:1

Ti na folafola loa le Atua, o pati :

Ekesote 29:46

E lotou iloa loa ko au ko le Eteleno, ko lolatou Atua, leia na fakamavae ia latou i le fenua o Esipito, o tupu ke kau nofo i loto malie o latou. Ko au ko le Eteleno, ko lolatou Atua.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Selemia 16:14

Koia, e pati ai le Eteleno : e soko mai loa a aso, Ala leaise toe pati ai loa : E mauli le Eteleno, A ia leia na fakamavae ia fanau a Iselaele i Esipito !

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 34:13

E folafola le Eteleno, le Atua o Iselaele : Na kau fai se sai mo okoutou tamana, i le aso leia na kau fakamavae ai latou mei le fenua o Esipito, mei le fenua leia na lotou popula ai ; ti na kau pati kia latou :

Esekiele 20:19

Ko au ko le Eteleno, lokoutou Atua. Kotou mulimuli ki aku pelesepeto, ti kotou tausi aku fakatotonu, o fai latou.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Esekiele 20:7

Na kau pati kia latou : Ke kotou tasi tiaki a nea fakalialia ala e toso ia okoutou mata, ti aua na kotou fakakelekele koutou ki a taulaatua o Esipito ! Ko au ko le Eteleno, lokoutou Atua.

Oseo 12:10

Kae ko au, ko le Eteleno au, ko lou Atua, talu mei le fenua o Esipito ; E kau toe fakanofo loa a koe i ni falela, ofaipe aso o lafeti.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Levitiko 11:45

Talie ko au ko le Eteleno, leia na fakamavae ia koutou mei le fenua o Esipito, o tupu ke kau liliu ko lokoutou Atua ; ke kotou maokioki talie e kau maokioki.

Levitiko 19:36

E kotou maua loa ni fua totonu, mo ni kilo totonu, mo ni liti totonu, mo ni meta totonu. Ko au ko le Eteleno, ko lokoutou Atua, leia na fakamavae ia koutou mei Esipito.

Levitiko 23:43

o tupu ke iloa e okoutou tautupu muli na kau fakanonofo le kakai o Iselaele i ni fale pola, i le oki o laku fakamavae latou mei le fenua o Esipito. Ko au ko le Eteleno, ko lokoutou Atua.

Levitiko 25:38

Ko au ko le Eteleno, ko lou Atua, leia na fakamavae ia koutou mei le fenua o Esipito, ke soli atu kia koutou le fenua o Kanaane, o tupu ke kau liliu ko lokoutou Atua.

Levitiko 25:42

Talie ko aku tagata fakasausau latou ala na kau fakamavae mei le fenua o Esipito ; Aua na ke fakatau loa latou ofaipe ni kau popula.

Levitiko 25:55

Talie ko le kakai o Iselaele ko aku tagata fakasausau latou ; ko aku tagata fakasausau ala na kau fakamavae mei le fenua o Esipito. Ko au ko le Eteleno, ko lokoutou Atua.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Loma 10:12

E leaise fai kesekese ki le Sutea mo le Keleka, talie e la Aliki toka lua ki le Aliki e tasi, leia e mou koloa kia latou fuli e kalaga kiate ia.

Loma 3:29

Pe ko le Atua, ko le Atua fai a ia o le kau Sutea ? Pe leaise ko le Atua foki a ia o le kau pagani ? E io, ko le Atua foki a ia o le kau pagani,

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 15:15

E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.

Tetelonome 5:6

Ko au ko le Eteleno, lou Atua, leia na fakamavae ia a koe mei le fenua o Esipito, leia na ke popula ai.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.

Tuifakamaau 2:1

Na pale loa se aselo o le Eteleno mei Kilikale ki Pokimi, o pati : Na kau fakamavae koutou mei Esipito ti na kau aumai koutou ki le fenua leia na kau fakapapau ke soli ki okoutou tamana. Na kau fakasa loa kia latou : E leaise kau motusi loa i se aso laku fakapapau kia koutou,

Tuifakamaau 6:10

Na kau pati kia koutou : Ko au ko le Eteleno, lokoutou Atua : Ke aua na kotou fakaapaapa loa ki atua o le kau Amole i lolatou fenua leia ka kotou nofo ai loa. Kae na leaise kotou fakalogo loa ki loku leo.