Ekesote 20:14 - Tosi Tapu

¹⁴ Aua na ke tono.

Ekesote 20:14 Iomraidhean Croise

Senesi 39:9

E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Lua tosi a Samuele 11:27

I le oki o le putu, na kakau loa e Tavite ke afa mai a ia, ti na fakaulu loa e ia a ia ki lona fale. Na liliu loa Pate-Sepa ko lana avaga, ti na fanaui loa e ia kia Tavite se tama. Kae na veli ai ki le Eteleno le nea leia na fai e Tavite.

Levitiko 18:20

Aua na ke sufegi loa le telefua o le avaga o lou oloi, talie ko le nea lena e fakakelekele ia a koe.

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Numelo 5:12

Masau ki fanau a Iselaele, ti ke pati loa kia latou : kapau e maliu kese se fafine mei lona avaga, o fai e ia se agatuu kiate ia ;

Mateo 19:18

Ti na tali loa Sesu : Aua na ke tukipo ; aua na ke tono ; aua na ke kaia ; aua na ke fakamaoki loi ; fakaapaapa ki lou tamana mo lou tinana ;

Loma 13:9

Koia ko fakatotonu : Aua na ke tono loa, aua na ke tukipo loa, aua na ke kaia loa, aua na ke manumanu loa, ti mo iki atu fakatotonu, e fakatoetoe fuli i le folafola leinei : E ke alofa loa ki lou oloi ofaipe koe totonu.

Tetelonome 5:18

Ke aua na ke tono loa.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Sakopo 2:11

Talie ko leia na pati : Aua na ke tono, na toe pati foki : Aua na ke tukipo. Koia kapau e leaise ke tono, kae ke tukipo, kua ke liliu ko se tagata maumau lao.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.