Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.
Na leaise manatui loa e le sau ko Soasi le agamalie kiate ia o Seosata, tamana o Sakalia, kae na tamate loa e ia le vosa o Seosata. Na pati loa Sakalia i lona mate : Ke tio le Eteleno, ti ke totogi e ia !
Kae kapau, i lona loto veli ki lona oloi, e fai loa e se tasi se puleaki kaka ke tamate ai a ia, e ke tatai loa a ia, tatau aifai pe mei loku aletale, o tamate a ia.
Kae kapau na masani le pipi i mua ki le aga lena, ti kua valoki lona pule, kae na leaise leoleo e ia a ia, e tuki fatui loa le pipi ke mate, mo kapau na taai e ia se tagata pe ko se fafine o mate, ti e fakatuaa loa lona pule ki le mate.
Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.
Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.
Kae ke kotou iloa fua, kapau e kotou tamate au, e kotou amo loa le toto mea, e koutou, mo le kolo leinei, mo lona kakai ; talie na kakau maoki mai au e le Eteleno kia koutou, ke fakasa ki okoutou taliga a folafola fuli anei.
E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.
I le tio a le kakai o le fenua ki le piki o le gata i lona lima, na lotou fepatiaki loa : E maoki ai ko le tagata leinei ko se tagata tukipo, talie na leaise loto le Faitotonu ke mauli a ia, i le oki o lona sao mei le tai.
Koia ko fakatotonu : Aua na ke tono loa, aua na ke tukipo loa, aua na ke kaia loa, aua na ke manumanu loa, ti mo iki atu fakatotonu, e fakatoetoe fuli i le folafola leinei : E ke alofa loa ki lou oloi ofaipe koe totonu.
mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.
e tou iloa papau na leaise fakatupu le lao ki le tagata agatonu, kae ki le kau agaveli ti mo le kau patigataa, ki le kau lee tui ki le Atua ti mo le kau agasala, ki le kau lee fakaapaapa ki le Atua mo nea taputapu, ki le kau tukipo tamana mo tinana ti mo tagata fuli,
Talie ko leia na pati : Aua na ke tono, na toe pati foki : Aua na ke tukipo. Koia kapau e leaise ke tono, kae ke tukipo, kua ke liliu ko se tagata maumau lao.
