Ekesote 20:12 - Tosi Tapu

¹² Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Ekesote 20:12 Iomraidhean Croise

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Senesi 50:12

Na fakasoko loa i ai e vosa o Sakopo le nea leia na fakatotonu ake e lolatou tamana kia latou :

Uluaki tosi o Sau 2:19

Na ano loa Pate-Sepa ki le sau ko Salomone, o masau kiate ia o uiga mo Atonisa. Na tuu loa le sau ki aluga, o ano o fakafelavei kia Pate-Sepa, ti na punou loa a ia i mua o Pate-Sepa, ti na toe ekeeke loa a ia ki lona ekeekeaga fakasau. Na aumai loa se ekeekeaga ki le tinana o le sau, ti na ekeeke loa a ia i le fetuu atamai o le sau.

Lua tosi o Sau 2:12

Na tio Eliseo mo tagi : Loku tamana ! loku tamana ! Saliote o Iselaele mo lana kau tagata ekeosi ! Ti na leaise toe tio loa a ia kia Elia. Na too loa e ia ona teu o sae lua,

Ekesote 21:15

Ko leia e taai ia loa lona tamana pe ko lona tinana, e tautea loa a ia ki le mate.

Ekesote 21:17

Ko leia e lauveli loa ki lona tamana pe ki lona tinana, e tua loa a ia ki le mate.

Taagapati 15:5

E vesia le vale ki le akonaki a lona tamana, Kae ko leia e tokaga ki le valoki e poto.

Taagapati 17:6

Ko fanau o fanau ko le pala o le kau matua, Ti ko tamana ko le kololia o olatou fanau.

Taagapati 20:20

Kapau e lauveli se tasi ki lona tamana mo lona tinana, E mate loa lona malama i loto malie o le fakapouli.

Taagapati 28:24

Ko leia e kaia ia lona tamana mo lona tinana, Ti e pati : E leaise ko se agasala a ia ! E kaukau nea mo le tagata maumau.

Taagapati 3:16

I lona lima atamai e maua ai le mauli fualoa, I lona lima sema e maua ai le koloa ti mo le kololia.

Taagapati 30:11

E i ai se tautagata leia e fakamalaia ki lona tamana, Ti e leaise tapuaki ki lona tinana.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Selemia 35:18

Ti na pati loa Selemia ki le fale o le kau Lekape : E folafola le Eteleno o kau tau, le Atua o Iselaele : O tupu kua kotou fakalogo ki fakatotonu a Sonatape, lokoutou tamana, o tupu kua kotou tausi ana lao fuli, ti mo fai a nea fuli ala kua tuku atu e ia kia koutou ;

Selemia 35:7

Ti aua na kotou fakatuu loa ni fale, ti aua na kotou muluki loa se fakaili e tasi, ti aua na kotou to loa se faisaga vite, ti aua na kotou maua loa se faisaga vite ; kae kotou nonofo loa i ni falela, i lokoutou mauli katoa, o tupu ke kotou mauli fualoa i le fenua leia e kotou nofo matapule ai.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 19:32

E ke tuu loa ki aluga i mua o le ulu sina, ti ke fakaapaapa loa ki le matua. E ke i loa ki lou Atua. Ko au ko le Eteleno.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Mateo 19:19

ti e ke alofa loa ki lou oloi ofaipe kiate koe totonu.

Maleko 10:19

E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.

Maleko 7:10

Talie na pati Moisese : Fakaapaapa ki lou tamana mo lou tinana ; ti : Ko leia e lauveli loa ki lona tamana pe ki lona tinana e fakatuaa loa a ia ki le mate.

Luka 18:20

E ke iloa a fakatotonu : Aua na ke tono, aua na ke tukipo, aua na ke kaia, aua na ke fakamaoki loi, fakaapaapa ki lou tamana mo lou tinana.

Efeso 5:21

Kotou fefakataulaloaki ia koutou i le fakaapaapa kia Kilisito.

Tetelonome 11:8

Koia, ke kotou fai loa a folafola fuli ala e kau tuku atu kia koutou i le aso nei, o tupu ke kotou maua le makeke leia e aoga ki le too o le fenua leia e kotou ulu loa ki ai,

Tetelonome 11:9

ti ke kotou mauli fualoa loa i le fenua lena na fakapapau e le Eteleno ke soli ki okoutou tamana mo lolatou sakoga, fenua leia e sali ai le sua manu mo le meli.

Tetelonome 21:18

Kapau e maua loa e se tagata se vosa patigataa mo fakatutuu, leia e leaise fakalogo loa ki le leo o lona tamana mo lona tinana, ti kapau e la tautea loa a ia kae e leaise fakalogo loa a ia kia laua,

Tetelonome 25:15

E ke maua loa se kilo leia e totonu mo se efa leia e totonu, o tupu ke tologa ou aso i le fenua leia e soli atu loa kiate koe e le Eteleno, lou Atua.

Tetelonome 27:16

Ke malaia le tagata leia e leaise fakaapaapa loa ki lona tamana mo lona tinana ! Ti e pati loa le kakai katoa : Amene !

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Kolose 3:20

Fanau, kotou fakalogo i nea fuli ki okoutou matua, talie e malie le nea lena ki le Aliki.

Lute 3:6

Na ifo loa a Lute ki le sasaaga fulumeto ti na fai loa e ia a nea fuli ala na fakatotonu e lona tinana.

Uluaki tosi a Samuele 22:3

Mei lena na ano loa Tavite ki Misipe i le fenua o Moape. Na pati loa a ia ki le sau o Moape : E kau kole atu kiate koe, ke ke fakataga ki loku tamana mo loku tinana ke nonofo i lou fenua, o kaku ki laku iloa le nea leia e fai loa e le Atua kiate au.