Ekesote 20:11 - Tosi Tapu

¹¹ Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 20:11 Iomraidhean Croise

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 1:31

Na tio loa le Atua ki nea fuli ala na fakatupu e ia, ti ko leinei na malie tukupau le nea lena. Ti na i ai loa se afiafi, ti na i ai loa se usu : ko lona ono aso loa a ia.

Ekesote 31:17

E liliu loa le aso lena ko se fakamailoga iate au mo fanau a Iselaele, o lee gato : talie na fakatupu e le Eteleno le lagi mo le kele i aso e ono, kae na tuku loa e ia lana gaoi i le fitu o aso, ti na malolo loa a ia.

Ekesote 8:22

Na tali loa Moisese : E leaise malie le nea lena ; talie e motou momoli loa ki le Eteleno, lomatou Atua, ni sakilifisio ala e fakalialia ki le kau Esipito. Ti kapau e motou momoli loa i olatou mua ni sakilifisio ala e fakalialia ki le kau Esipito, pe leaise lotou tuki fatui loa matou.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Gaoi 20:7

I le uluaki aso o le vasaa, na motou fakatasi loa ki le tofitofi o le pane. Ti na akonaki loa Paulo kia latou ; na tonu ke mavae a ia i leia ake a aso, ti na akonaki loa a ia o kaku ki le vaeluapo.

Gaoi 4:24

I lalatou logo ki le fakamatala lena, na lotou siki ake loa ki le Atua olatou leo, e latou fuli fakatasi, o pati : Aliki, ko koe leia na fakatupu ia le lagi, mo le kele, mo le tai, mo nea fuli ala e maua i ai,

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.

Epelo 4:4

Talie na pati a ia i le tasi ganea ki le fitu o aso : Ti na malolo loa le Atua i le aso fitu i ana gaoi fuli.

Apokalipisi 10:6

ti na fakapapau loa a ia i leia e mauli i sekulo mo sekulo, leia na fakatupu ia le lagi mo nea fuli i ai, mo le kele mo nea fuli i ai, mo le tai mo nea fuli i ai : e leaise toe solomuli loa,