Ekesote 2:25 - Tosi Tapu

²⁵ Na tio loa le Atua ki fanau a Iselaele, ti na aloalofa loa a ia kia latou.

Ekesote 2:25 Iomraidhean Croise

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Pesalemo 55:22

E sua malie ake lona gutu i le suka, Kae nofo le tau i lona loto ; E momole ake ana masau i le lolo, Kae ko ni seleta matakakai latou.

Ekesote 1:8

Na malaga ake loa i Esipito se sau foou, leia na leaise iloa ia Sosefo.

Ekesote 18:8

Na fakamatala loa e Moisese ki lona tamana a nea fuli ala na fai e le Eteleno kia Falaone mo Esipito o tupu ko Iselaele, a mamae fuli ala na soko kia latou i le ala, ti mo lolatou fakamauli e le Eteleno.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Mateo 7:23

Ti e kau pati loa kia latou i le lauatea : Na leaise kau iloa fua koutou, kotou fakamamao atu iate au, koutou ala na fai ia le agaveli.

Luka 1:25

Kua fai e le Aliki le kalasia kiate au, i le aso leia na tio ai ona mata kiate au, ke too iate au loku luma i mua o tagata.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Tetelonome 26:7

Na motou kalaga loa ki le Eteleno, le Atua o omatou tamana. Na logo loa le Eteleno ki omatou leo ti na tio loa a ia ki lomatou fakavelivelii, mo lomatou pakia, mo lomatou fakaaloalofa.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.