Ekesote 2:24 - Tosi Tapu

²⁴ Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Ekesote 2:24 Iomraidhean Croise

Senesi 15:13

Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Senesi 16:11

Na pati loa le aselo o le Eteleno kiate ia : Ko leinei kua ke tinae, ti e ke fanaui loa se tama, ti e ke soli loa kiate ia le igoa ko Isemaele ; talie kua logo le Eteleno ki lau tagi i lou mamae.

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 18:18

E liliu maoki loa Apalaamo ko se puleaga lasi mo makeke, ti e tapuakina loa a puleaga fuli o le kele iate ia.

Senesi 22:16

o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Senesi 26:2

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 35:12

E kau soli loa kiate koe le fenua leia na kau soli kia Apalaamo mo Isaake, ti e kau soli loa le fenua leinei ki lou sakoga ki muli.

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Pesalemo 102:2

Eteleno, fakalogo mai ki laku kole, Ti ke kaku atu laku tagi kiate koe !

Pesalemo 102:20

Talie e tio a ia mei le ganea taualuga o lona maokioki ; Mei aluga o le atu lagi, e tio le Eteleno ki le malama nei,

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Pesalemo 22:24

Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Pesalemo 22:5

Na fanaki omatou tamana kiate koe ; Io, na lotou fanaki kiate koe, ti na ke saofaki latou.

Pesalemo 79:11

Ke kaku atu kiate koe a tagi a le kau popula ! Saofaki latou ala ka mamate ki lou lima mafimafi !

Ekesote 6:5

Kua kau logo ki tagi a fanau a Iselaele, ala e taomi e le kau Esipito i le popula, ti kua kau manatui loa laku fakapapau.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.