Ekesote 2:23 - Tosi Tapu

²³ Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 2:23 Iomraidhean Croise

Senesi 16:11

Na pati loa le aselo o le Eteleno kiate ia : Ko leinei kua ke tinae, ti e ke fanaui loa se tama, ti e ke soli loa kiate ia le igoa ko Isemaele ; talie kua logo le Eteleno ki lau tagi i lou mamae.

Senesi 4:10

Ti na pati loa le Atua : Kolea le nea leia kua ke fai ? E tagi mai kiate au le leo o le toto o lou taina mei le kele.

Neemia 9:9

Na ke tio loa ki le mamae o omatou tamana i Esipito, ti na ke logo loa ki alatou tagi i le tai kula.

Sopo 35:9

E tagi i le api o le kau fakamakeke ; E lauga i le agaveli a se kakai toka api ;

Pesalemo 102:1

Kole a se tagata e mamae, mo ka gaegae o lona loto, ti mo ka fai e ia lana tagi i mua o le Eteleno.

Pesalemo 102:2

Eteleno, fakalogo mai ki laku kole, Ti ke kaku atu laku tagi kiate koe !

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 18:6

Na fui au e va o le nofoaga o le kau mate, Na mauatoka au e kupega o le mate.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Ekesote 4:19

Na pati loa le Eteleno kia Moisese, i Matiane : Ano, o toe liliu ki Esipito, talie kua mate latou fuli ala na afa ki lou mauli.

Ekesote 6:5

Kua kau logo ki tagi a fanau a Iselaele, ala e taomi e le kau Esipito i le popula, ti kua kau manatui loa laku fakapapau.

Ekesote 6:9

Ti na masau fenaaki loa Moisese ki fanau a Iselaele. Kae o tupu ko le mamae mo le mamafa o le popula, na leaise mafai loa ke lotou fakalogo kia Moisese.

Ekesote 7:7

Na fetuu kau valu Moisese, ti na fetuu kau valu tupu tolu Alone, i le aso leia na la masau ai kia Falaone.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Gaoi 7:30

I le sili o fetuu e kau fa, na sa loa se aselo kiate ia i le toafa, i le mauga ko Sinai i le ula o se ulu vao kaka.

Tetelonome 24:15

Kae e ke soli loa kiate ia le totogi o lona aso gaoi i mua o le vilo o le laa ; talie e mativa a ia ti e aoga ai lona totogi kiate ia. Kapau e leaise ke fai loa le nea lena, e tagi loa a ia ki le Eteleno, ti e ke maua loa i ai se agasala.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.

Tuifakamaau 4:3

Na maua e Sapini ni saliote ukamea e kau lelau iva, ti na fakamamae lasi ai e ia a fanau a Iselaele i fetuu e kau lua. Ti na tagi loa fanau a Iselaele ki le Eteleno.

Uluaki tosi a Samuele 12:8

I le oki o le ifo a Sakopo ki Esipito, na tagi loa okoutou tamana ki le Eteleno, ti na kakau loa e le Eteleno a Moisese mo Alone, ala na fakamavae ia loa okoutou tamana mei Esipito, ke fakanofo latou i le ganea leinei.

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.