Ekesote 2:2 - Tosi Tapu

² Na tinae loa le fafine lena, ti na fanaui loa e ia se tama. Na tio loa a ia e fulumalie le toe, ti na fufu loa e ia a ia i masina e tolu.

Ekesote 2:2 Iomraidhean Croise

Lua tosi o Sau 11:3

Na fufu Soasi i fetuu e ono mo lona fafine taupau i le fale o le Eteleno. Ti ko Atalia leia na pule loa i le fenua.

Pesalemo 112:5

Manuia le tagata leia e manava alofa ti mo kai solisoli, Leia e fai ia gaoi fuli i le faitotonu !

Ekesote 6:20

Na avaga loa Amilame mo Sokepete, lona maasaki ; ti na fanaui loa e ia kia Amilame a Alone mo Moisese. Ko fetuu o le mauli o Amilame ko le kau lelau kau tolu tupu fitu.

Numelo 26:59

Ko le igoa o le avaga o Amilame ko Sokepeti, taine o Levi, leia na tupu loa kia Levi i Esipito ; na fanaui loa e Sokepeti kia Amilame a Alone, mo Moisese, mo Miliamu, lola tuagaane.

Gaoi 7:20

I le temi lena, na tupu loa Moisese, leia na fulumalie ki mata o le Atua. Na fagai loa a ia i ni masina e tolu i le fale o lona tamana ;

Tetelonome 33:16

Mo nea malilie e fakatupu e le kele, mo nea fuli e tapono e ia i loto. Ko le kalasia o leia na sa i le ulu vao, Ke au ki le ulu o Sosefo, Ki le tumuaki o le ulu o le pule o ona fetaina.

Epelo 11:23

Ko le tui leia na fufu ai loa a Moisese, i lona tupu, e ona matua i masina e tolu, talie na la tio loa na fulumalie le toe, ti na leaise la i loa ki le fakatotonu a le sau.

Uluaki tosi a Samuele 16:12

Na kakau loa e Isaia ke ano o afa mai a ia. Ko leinei, na kena a ia, mo mata malie, mo fuafua tatau. Na pati loa le Eteleno kia Samuele : Tuu ki aluga, pani a ia ki le lolo talie ko ia lena !