Ekesote 2:16 - Tosi Tapu

¹⁶ Na maua e le tagata faisakilifisio o Matiane ni taineliki e toka fitu. Na lotou au loa o asu vai, ti na lotou fakaapele loa a fakainuaga o manu ke fakainu ai a kau manu o lolatou tamana.

Ekesote 2:16 Iomraidhean Croise

Senesi 14:18

Na fakatotonu loa e Melekiseteke, sau o Salemi, ke avake se pane mo se vino : na pelepitelo a ia o le Atua Taualuga.

Senesi 24:11

Ti na kaku loa a ia ki se sosoni i le tua kolo, ti na fakamalolo loa e ia ana kamelo i ona tafa. Ko le temi a ia o le afiafi, leia e ano ai a fafine o asu vai.

Senesi 24:13

Ko leinei, e kau tuu loa i tafa o le matapuna vai, ti e au loa a taineliki o le kakai o le kolo o asu vai.

Senesi 29:2

I se aso, na tio loa a ia ki se sosoni leia na tuu i loto o faisaga ; ti na i ai ni kau ovi e tolu ala na malolo i ona tafatafa, talie na fakainu i le sosoni lena a kau manu. Ti na lasi ai le fatu leia na tapono ki ai le sosoni.

Senesi 41:45

Ti na soli loa e Falaone kia Sosefo le igoa ko Safinati-Paeneasi ; ti na soli loa e ia kia Sosefo a Asenate, taine o Potifela, ko le pelepitelo o Oni, ke avaga mo ia. Ti na ano loa Sosefo o fakatele le fenua katoa o Esipito.

Ekesote 18:1

Ko Setelo, tagata faisakilifisio o Matiane, tamana o le avaga o Moisese, na logo loa ki nea fuli ala na fai e le Atua kia Moisese mo lona kakai ko Iselaele ; na toe logo foki a ia ki le nea leia na fai e le Eteleno ke fakamavae ai Iselaele i Esipito.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 3:1

Na fagai e Moisese le kau manu o lona tamana, le tagata faisakilifisio o Matiane ; ti na ave loa e ia le kau manu ki muli o le toafa, ti na kaku loa a ia ki le mauga o le Atua, i Olepe.

Uluaki tosi a Samuele 9:11

I lala pale ki le kolo, na la felavei loa mo ni taineliki na au o asu vai, ti na la pati loa kia latou : Pe nofo i leinei le tagata fai kikite ?