Ekesote 2:15 - Tosi Tapu

¹⁵ I le logo a Falaone ki le nea na soko, na afa loa e ia Moisese ke tamate. Kae na sola loa Moisese mei mua o Falaone, o ano ki le fenua o Matiane, ti na manavanava loa a ia i tafa o se sosoni.

Ekesote 2:15 Iomraidhean Croise

Senesi 24:11

Ti na kaku loa a ia ki se sosoni i le tua kolo, ti na fakamalolo loa e ia ana kamelo i ona tafa. Ko le temi a ia o le afiafi, leia e ano ai a fafine o asu vai.

Senesi 25:2

Na fanaui loa e Ketula kia Apalaamo a Similane, mo Sokesane, mo Metane, mo Matiane, mo Sisepake, mo Suake.

Senesi 25:4

Ko vosa o Matiane ko Efa, mo Efele, mo Enoke, mo Apita, mo Eletaa. Ko latou fuli ana ko vosa o Ketula.

Senesi 29:2

I se aso, na tio loa a ia ki se sosoni leia na tuu i loto o faisaga ; ti na i ai ni kau ovi e tolu ala na malolo i ona tafatafa, talie na fakainu i le sosoni lena a kau manu. Ti na lasi ai le fatu leia na tapono ki ai le sosoni.

Uluaki tosi o Sau 11:18

Na lotou mavae loa mei Matiane, o ano ki le toafa o Palani, ti na lotou too loa ni kau tagata o Palani, o ano mo latou ki Esipito ki le sau ko Falaone. Na soli loa e Falaone se fale kia Atate, mo tokaga loa ki lona mauli, ti na soli loa e ia kiate ia ni kele.

Ekesote 18:4

ti na igoa le tasi ko Eliesele, talie na pati a ia : Ko le Atua o loku tamana ko loku tokoi a ia, ti ko ia leia na saofaki ia au i le seleta a Falaone.

Ekesote 4:19

Na pati loa le Eteleno kia Moisese, i Matiane : Ano, o toe liliu ki Esipito, talie kua mate latou fuli ala na afa ki lou mauli.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Apakuki 3:7

E kau tio kua nonofo i le mamae a falela o Etiopia, Ti kua nonofo i le i a falela o le fenua o Matiane.

Mateo 10:23

Ka fakavelivelii loa koutou i se kolo, kotou sosola ki se tasi ake a kolo. E kau pati maoki atu kia koutou, e leikiaise oki lakotou folii a kolo o Iselaele, kae kua au le Vosa o le tagata.

Soane 4:6

I ai, na tuu ai le sosoni o Sakopo. I lona gaegae i le fanoga, na tonatona loa Sesu i le laugutu o le sosoni. Ko le lalatea a ia.

Gaoi 7:29

I le masau lena na sola loa Moisese, ti na ano loa a ia o nofo i le fenua o Matiane, leia na tupu ai loa ni vosa e toka lua.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.