Ekesote 2:14 - Tosi Tapu

¹⁴ Ti na tali loa le tagata lena : Ko ai na fakanofo ia a koe ke pule mo tui fakamaau kia maua ? Pe ke loto foki ke ke toe tamate au ofaipe lau tamate le tagata Esipito ? Ti na i loa Moisese, o pati : E matala nei kua iloa le nea leinei !

Ekesote 2:14 Iomraidhean Croise

Senesi 13:8

Na pati loa Apalamo kia Lote : E kau kole atu kiate koe, ke aua na i ai se fefele iate au mo koe, pe i le vasaa o aku tagata tausi manu mo au tagata tausi manu ; talie e ta tautaina.

Senesi 19:9

Na lotou pati loa : Soso kese ! Ti na lotou toe pati loa : Ko ia leinei na au ofaipe se matapule, ti kua loto a ia ke tui fakamaau kia tatou ! E malie, e motou fai loa kiate koe ke toe asili veli ake ia laua ana ! Ti na lotou tulei fakamakeke loa a Lote kae lotou fakafeofi ake loa ki le matapa ke lotou maumaui a ia.

Senesi 34:27

Na oso ake loa a vosa o Sakopo ki mate, o tatala olatou teu, ti na lotou too loa a koloa o le kolo, o tupu ko le pikoi leia na fai ki lolatou tuagaane.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Luka 12:14

Na tali loa Sesu kiate ia : Tagata, ko ai leia na fakanofo ia au ke fakamaau ia akoutou visi, pe ke vae ia okoutou koloa ?

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Gaoi 7:35

Ko le Moisese lena, leia na lotou fakafiti ki ai, o pati : Ko ai leia na fakanofo ia a koe ko le pule mo le tui fakamaau ? Ko ia leia na kakau e le Atua ko le pule ti mo le fakamauli i le tokoi a le aselo leia na sa kiate ia i le ulu vao.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.