Ekesote 19:6 - Tosi Tapu

⁶ e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Ekesote 19:6 Iomraidhean Croise

Uluaki tosi o Sau 3:8

Kua nofo lau tagata fakasausau i loto malie o le kakai leia na ke filifili, kakai api, leia e leaise mafai ke lau pe toka fia, o tupu ko lona api.

Uluaki tosi o Sau 8:53

Talie na ke vaei kese latou mei kakai fuli o le malama nei ke liliu ko lou tofiga, o fai ki lau fakasa kia Moisese, lau tagata fakasausau, i le aso leia na ke fakamavae ai mei Esipito omatou tamana, ei Aliki Eteleno !

Uluaki tosi o Koloniko 17:22

Kua ke fakanofo lou kakai ko Iselaele ke liliu ko lou kakai o lee gato ; ti ko koe, Eteleno, kua ke liliu ko lona Atua.

Pesalemo 114:2

Na liliu loa a Suta ko lona sagatualio, Na liliu loa a Iselaele ko lona puleaga.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 22:31

E kotou liliu loa kiate au ko se kakai maokioki : aua na kotou kai loa se manu leia na tamate e se manu fekai i le vao ; e kotou ti loa a ia ki kuli.

Ekesote 28:36

E ke fai loa se palaa ki le aulo mea, ti e ke togi loa i ai ofaipe le togi o se mama : Ko le Maokioki ki le Eteleno.

Esaia 43:4

Talie e ke mauiga ki oku mata, Talie e ke lasi kiate au ti e kau alofa kiate koe, E kau soli ni tagata ke fetogi ai a koe, Ti mo ni kakai ke totogi ai lou mauli.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 66:21

Ti e kau too foki ia latou Ni tagata faisakilifisio, mo ni levita, e pati le Eteleno.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Levitiko 21:23

Kae e leaise ano loa a ia ki le lito, ti e leaise fakafeofi loa a ia ki le aletale, talie e maua e ia se maimoa fakatino ; e leaise fakakelekele loa e ia oku sagatualio, talie ko au ko le Eteleno, leia e fakamaokioki ia latou.

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Akeseo 2:5

E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Uluaki tosi ki le kau Kolinto 3:17

Kapau e maumaui e se tasi le fale tapu o le Atua, e maumaui loa a ia e le Atua ; talie e maokioki le fale tapu o le Atua, ti ko lona fale tapu ko koutou.

Tetelonome 14:21

Ke aua na kotou kai loa se manu leia na mate masaki : ke ke soli loa a ia ki le matapule leia e nofo loa mo koe, ke kai e ia, pe ke fakatau loa a ia ki se matapule ; talie ko koe ko se kakai maokioki ki le Eteleno, lou Atua. Ke aua na ke saka loa se uviki manu i le sua manu o lona tinana.

Tetelonome 26:19

o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.

Tetelonome 28:9

E fakanofo loa a koe e le Eteleno ko se kakai maokioki kiate ia, o fai ki le nea leia na fakapapau atu e ia kiate koe, mo ka ke tausi loa a folafola a le Eteleno, lou Atua, ti mo ke saele loa i ona ala.

Tetelonome 7:6

Talie ko se kakai a koe leia kua fakatapui ki le Eteleno, lou Atua. Ti kua filifili a koe e le Eteleno, lou Atua, ke ke liliu ko se kakai alofaina kiate ia, i kakai fuli ala e maua i aluga o le kele.

Uluaki tosi ki le kau Tesalonika 5:27

E kau kole mamae atu kia koutou i le Aliki, ke lau le tosi leinei ki fetaina fuli.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Apokalipisi 20:6

Manuia mo maokioki latou ala e kau i le uluaki toe tuuake ! E leaise toe maua loa e le lua mate se pule kia latou ; kae e lotou soko loa ko le kau tagata fai sakilifisio a le Atua mo Kilisito, ti e lotou sau loa mo ia i fetuu e afe.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.