Ekesote 19:4 - Tosi Tapu

⁴ Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Ekesote 19:4 Iomraidhean Croise

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Akeseo 2:5

E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Malakia 2:10

Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Tetelonome 1:30

Ko le Eteleno, lokoutou Atua, leia e saele i mua o koutou, e tau loa kia koutou, ofaipe lana fai kia koutou i Esipito, i okoutou mua,

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 29:1

Ko nei a folafola o le sai leia na fakatotonu e le Eteleno kia Moisese ke fai mo fanau a Iselaele i le fenua o Moape, kae kese fai le sai leia na fai e ia mo latou i Olepe.

Tetelonome 29:2

Na tanaki loa e Moisese a Iselaele katoa, o pati kia latou : Kua kotou tio ki nea fuli ala na fai e le Eteleno i okoutou mata, i le fenua o Esipito, kia Falaone, mo ana tagata fakasausau, mo lona fenua katoa.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Sosue 23:3

Kua kotou tio ki nea fuli ala na fai e le Eteleno, lokoutou Atua, ki puleaga fuli ana i okoutou mua ; talie na tau le Eteleno, lokoutou Atua, o tupu ko koutou.

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.