Ekesote 19:24 - Tosi Tapu

²⁴ Na pati loa le Eteleno kiate ia : Ano, ifo ; ti ke toe pale mai loa mo Alone. Kae ke aua na pale mai loa kiate au le kau tagata faisakilifisio mo le kakai, talie ke aua na kau tautea loa latou ki le mate.

Ekesote 19:24 Iomraidhean Croise

Uluaki tosi o Koloniko 13:9

I lalatou kaku loa ki le faisaga o Kitone, na falo loa e Usa lona lima ke taofi ai le aleka, talie na matule a ia o tupu ko pipi.

Ekesote 19:12

E ke fakatuu loa ki le kakai se koiga ke takatakai ia le mauga katoa, ti ke fakasa loa : ke aua na kotou pale loa ki le mauga, pe kotou fafa fua ki ai. Ko leia e lave loa ki le mauga, e tautea loa a ia ki le mate.

Ekesote 19:25

Na ifo loa Moisese ki le kakai, o fakasa kia latou a nea ana.

Ekesote 24:1

Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Ekesote 24:9

Na pale loa Moisese, mo Alone, mo Natape, mo Apiu, ti mo se tino fitu i le kau matua o Iselaele.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Mateo 11:12

Talu mei le temi o Soane-Patita o kaku mai ki le lakaga nei, e fakalogo le Puleaga o le atu lagi ki le makeke, ti e ulu ki ai le kau makeke.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 16:16

Na tuu le lao mo le kau polofeta o kaku mai kia Soane-Patita ; kae talu loa mei ai mo le fakasa o le logo malie o le puleaga o le Atua, ti e ulu loa ki ai i le fakamakeke.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Loma 4:15

Talie e fakatupu e le lao le sausau o le Atua ; kae i le ganea e leaise maua ai se lao, e leaise maua ai foki se sala ki le lao.

Kalate 3:19

Kolea na soli ai le lao ? Na soli mai a ia ki le fakapapau o tupu ke iloa ai a agasala ki le finegalo o le Atua : na tonu ke tuu a ia o kaku ki le kaku mai o le sakoga o Apalaamo leia na fai ki ai le fakapapau ; na tuku le lao lena e ni aselo ki lima o se tagata fakasoko pati.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Epelo 12:29

talie ko lotatou Atua ko se afi maumau foki a ia.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.