Ekesote 19:20 - Tosi Tapu

²⁰ Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 19:20 Iomraidhean Croise

Uluaki tosi o Sau 19:11

Na pati loa le Eteleno : Ulu ki fafo, ti ke tuu i le mauga i mua o le Eteleno ! Ti ko leinei na saele mai loa le Eteleno. Ti na i ai loa i mua o le Eteleno se matagi makeke leia na fakamafaafaa ia a mauga ti mo fakamomoliki ia a utu : na leaise nofo le Eteleno i le matagi. Ti na oki loa le matagi, na to loa se mafuike : na leaise nofo le Eteleno i le mafuike.

Neemia 9:13

Na ke ifo mai loa i le mauga o Sinai, ti na ke masau loa kia latou mei le lagi, ti na ke soli loa kia latou a fakatotonu maoki, a lao o le maoki, mo pelesepeto, mo folafola saosaoa.

Pesalemo 81:7

Na kau too le amoga i lona tuauma, Ti na tiaki e ona lima le kete.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:3

Na pale loa Moisese ki le Atua : ti na kalaga loa le Eteleno kia Moisese mei aluga o le mauga, o pati : E ke masau feneeki loa ki le fale o Sakopo, ti e ke pati loa ki fanau a Iselaele :

Ekesote 24:15

Na pale loa Moisese ki le mauga, ti na uufi loa e le ao le mauga.

Ekesote 24:18

Na ulu loa Moisese ki loto malie o le ao, o pale ki le mauga. Ti na nofo loa Moisese i le mauga i aso e kau fa mo po e kau fa.

Ekesote 34:2

Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Ekesote 34:4

Na ta loa e Moisese a fatu lalapa e lua ofaipe uluaki fatu ; ti na tuu ake loa a ia koi usu, o pale ki le mauga o Sinai, o mulimuli ki le fakatotonu leia na fai kiate ia e le Eteleno, ti na too loa e ia i lona lima a fatu lalapa e lua.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;