Ekesote 19:18 - Tosi Tapu

¹⁸ Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 19:18 Iomraidhean Croise

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Senesi 15:17

I le galo o le laa, na vilo loa se fakapouli lasi ; ti fokifa kua sa loa se afi kaka leia na kokofu mo ulaula, o fakalaka i loto malie o manu ala na paipaisi.

Senesi 19:28

Na tagaki loa ona mata ki le fetuu o Sotoma mo Komola, ti mo le fenua laumalie katoa ; ti ko leinei, na tio loa a ia e malaga ake i le kele se afu ofaipe se afu o se vela lasi.

Neemia 9:13

Na ke ifo mai loa i le mauga o Sinai, ti na ke masau loa kia latou mei le lagi, ti na ke soli loa kia latou a fakatotonu maoki, a lao o le maoki, mo pelesepeto, mo folafola saosaoa.

Pesalemo 104:32

E tio a ia ki le kele, ti e lulu a ia ; E fafa lona lima ki mauga, ti e lotou kokofu.

Pesalemo 114:4

Na soposopo loa a mauga ofaipe ni ovi tagata, Mo mauga liliki ofaipe ni akeno.

Pesalemo 114:7

Ei malama nei, ke ke lulu i mua o le Aliki, I mua o le Atua o Sakopo,

Pesalemo 144:5

Eteleno, tuku ki lalo lou atu lagi, ti ke ifo mai ! Fafa ki mauga, ti ke lotou kokofu !

Pesalemo 18:9

Na mafuta se afu i ona pogoisu, Ti na ulu mai se afi kaka mei lona gutu : Na mapusipusi mei ai ni malala kaka.

Pesalemo 68:9

Na galulu loa le malama nei, na tafe loa ni vai i le kele i mua o le Atua Na lulu Sinai i mua o le Atua, le Atua o Iselaele.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Ekesote 19:13

E leaise fafa loa le lima ki ai, kae e tuki fatui loa a ia, pe kaloloi loa a ia ki ni gasau : manu pe tagata, e leaise mauli loa a ia. I le temi leia e pupusi ai loa le fakatagi pupusi, e lotou fakafeofi ake loa ki le mauga.

Ekesote 19:17

Na fakaulu loa e Moisese le kakai mei le nofolaga ki fafo, ke lotou felavei mo le Atua ; ti na lotou tutuu loa i lalo o le mauga.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Ekesote 3:2

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Ekesote 34:2

Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Esaia 6:4

Na galulu loa a matapa i olatou tuuaga i le leo leia na gugulu, ti na apele loa le fale i se afu.

Esaia 64:1

Ofaipe se ula a se afi na tafu ki se fafie malo, Ofaipe se pula o se vai vela o masa ; E iloa loa e ou fili lou suafa, Ti e lulu loa a atu puleaga i ou mua.

Selemia 4:24

E kau tio ki atu mauga, ti ko leinei, kua lotou lulu ; Ti kua sisiga a mauga liliki fuli.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Mateo 24:7

E tau loa se kakai ki se tasi kakai, ti e tau loa se puleaga ki se tasi puleaga ; ti e i ai loa, i ganea kesekese, ni oge mo ni mafuike.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Tetelonome 4:36

Mei le lagi, na fakasa e ia lona leo kiate koe, o ako a koe ke poto i le fakalogo ki lona leo. I le kele, kua fakatio e ia a koe ki se afi lasi, ti kua ke logo ki lana masau mei loto o le afi.

Tetelonome 5:22

Ko na folafola ala na fakasa e le Eteleno ki le fakatasi katoa o fanau a Iselaele, i se leo makeke, mei loto malie o le afi, mo le afu, mo le ao matotolu. Na leaise toe tuku loa e ia se tasi ake folafola. Na tosi loa e ia latou i ni fatu e lua ti na tuku mai loa e ia laua kiate au.

Tetelonome 5:4

Na masau le Eteleno kia koutou, a mata ki mata i le mauga, mei loto malie o le afi.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 12:18

Ko koutou, na leaise kotou fakafeofi ki se mauga leia na feala ke fafa ki ai ti na ulaula i le afi, pe ki le ao, pe ki le fakapouli, pe ki le afa,

Epelo 12:26

a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Apokalipisi 15:8

Ti na apele loa le fale tapu i le afu, o tupu ko le kololia o le Atua ti mo lona mafimafi ; ti na leaise mafai ke ulu se tasi ki le fale tapu, o kaku ki le katoa o malaia e fitu a aselo e fitu.

Apokalipisi 9:2

ti na fakamavaa loa e ia le sosoni o le vanu. Ti na pale ake loa mei le sosoni se afu, ofaipe le afu o se gutuumu kaka ; ti na fakapouli loa le laa mo le aele i le afu o le sosoni.

Tuifakamaau 5:5

Na sisiga loa a mauga i mua o le Eteleno, I mua o le Eteleno o Sinai, le Atua o Iselaele.