Ekesote 19:17 - Tosi Tapu

¹⁷ Na fakaulu loa e Moisese le kakai mei le nofolaga ki fafo, ke lotou felavei mo le Atua ; ti na lotou tutuu loa i lalo o le mauga.

Ekesote 19:17 Iomraidhean Croise

Ekesote 19:13

E leaise fafa loa le lima ki ai, kae e tuki fatui loa a ia, pe kaloloi loa a ia ki ni gasau : manu pe tagata, e leaise mauli loa a ia. I le temi leia e pupusi ai loa le fakatagi pupusi, e lotou fakafeofi ake loa ki le mauga.

Ekesote 19:16

I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Levitiko 9:5

Ti na latou ave loa ki mua o le falela tapu le nea leia na fakatotonu e Moisese ; ti na fakafeofi ake loa le kakai katoa, o tuu i mua o le Eteleno.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 4:11

Na kotou fakafeofi ake loa ti na kotou tutuu loa i lalo o le mauga. Na ulaula katoa le mauga o kaku ki le lagi, ti na kofu a ia e se kokofu, mo se ao, mo se fakapouli matotolu.

Tetelonome 5:5

Ti na kau tuu loa i le vasa o le Eteleno mo koutou, o fakasa kia koutou le folafola a le Eteleno, talie na kotou i ki le afi, ti na leaise kotou pale loa ki le mauga. Na pati loa a ia :