Ekesote 19:16 - Tosi Tapu

¹⁶ I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 19:16 Iomraidhean Croise

Lua tosi a Samuele 22:10

Na tuku loa e ia le lagi ki lalo, ti na ifo loa a ia : Na i ai se kokofu matotolu i ona vae.

Lua tosi o Koloniko 5:14

Na leaise feala loa ke toe nonofo le kau tagata faisakilifisio i loto o fai le tausi, o tupu ko le ao ; talie na fakaapele e le kololia o le Eteleno le fale o le Atua.

Sopo 38:25

Ko ai leia na fakamavaa ia se ala ki le ua, Ti na tofa ia le alaaga o le uila mo le mana,

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Pesalemo 81:8

Na ke kalaga i le mamae, ti na kau saofaki a koe ; Na kau tali kiate koe mei le mumuniaga o le mana ; Na kau asiasii a koe i vai o Melipa. - Manava.

Pesalemo 97:4

E fakamalama e ona uila le malama nei, E tio le malama nei ki ai ti e lulu ;

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:15

Ti na pati loa a ia ki le kakai : Ke teuteu ki le tolu o aso. Ke aua na kotou momoe mo okoutou avaga.

Ekesote 19:17

Na fakaulu loa e Moisese le kakai mei le nofolaga ki fafo, ke lotou felavei mo le Atua ; ti na lotou tutuu loa i lalo o le mauga.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 20:21

Na tuu loa le kakai mei mamao ; kae na fakafeofi loa Moisese ki le ao matotolu leia na nofo ai le Atua.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Ekesote 9:23

Na siki loa e Moisese lona tokotoko ki le lagi, ti na tuku loa e le Eteleno ni mana mo se ua fatu ; ti na taka loa le afi i aluga o le fenua. Na fakato loa e le Eteleno se ua fatu ki le fenua o Esipito.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Naume 1:3

E kataki fualoa e le Eteleno lona sausau, e lasi a ia i lona makeke ; E leaise tuku e ia leia e agasala sala tautea. E saele le Eteleno i le afa, mo le asesio ; Ko ao ko efu o ona vae.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Tetelonome 5:5

Ti na kau tuu loa i le vasa o le Eteleno mo koutou, o fakasa kia koutou le folafola a le Eteleno, talie na kotou i ki le afi, ti na leaise kotou pale loa ki le mauga. Na pati loa a ia :

Epelo 12:21

I le fakaii ai o le nea lena na lotou tio ki ai, na pati loa Moisese : Kua kau matuaki i, mo lulu katoa !

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 4:1

Ti na sili le nea lena, na kau tio loa, ti ko leinei, kua mavaa se matapa i le lagi. Ko le uluaki leo leia na kau logo ki ai, ofaipe le tagi o se fakatagi pupusi, ti na masau mai kiate au, na pati loa : Pale mai ki leinei, ti e kau fakatio loa a koe ki le nea leia e tonu ke soko ki muli.

Apokalipisi 4:5

Na mapuna mei le ekeekeaga fakasau ni uila, mo ni leo, ti mo ni mana. I mua o le ekeekeaga fakasau na ulaula ai ni fa malama e fitu, ala ko Laumalie e fitu o le Atua.

Apokalipisi 8:5

Ti na too loa e le aselo le tulipulo, ti na fakaapele loa e ia a ia ki le afi o le aletale, o ti a ia ki le malama nei. Ti na i ai loa ni leo, mo ni mana, mo ni uila, ti mo se mafuike.