Ekesote 19:11 - Tosi Tapu

¹¹ Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:11 Iomraidhean Croise

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Neemia 9:13

Na ke ifo mai loa i le mauga o Sinai, ti na ke masau loa kia latou mei le lagi, ti na ke soli loa kia latou a fakatotonu maoki, a lao o le maoki, mo pelesepeto, mo folafola saosaoa.

Pesalemo 144:5

Eteleno, tuku ki lalo lou atu lagi, ti ke ifo mai ! Fafa ki mauga, ti ke lotou kokofu !

Pesalemo 18:9

Na mafuta se afu i ona pogoisu, Ti na ulu mai se afi kaka mei lona gutu : Na mapusipusi mei ai ni malala kaka.

Ekesote 19:16

I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 19:20

Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 24:16

Na ifo loa le kololia o le Eteleno ki le mauga o Sinai, ti na uufi loa e le ao a ia i aso e ono. I le fitu o aso, na kalaga loa le Eteleno kia Moisese mei le ao.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 34:2

Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Ekesote 34:5

Na ifo ake loa le Eteleno i se ao, o tuu i ona tafa i le mauga, ti na fakasa loa e ia le suafa o le Eteleno.

Numelo 11:17

E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Sosue 3:5

Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.