Ekesote 19:10 - Tosi Tapu

¹⁰ Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 19:10 Iomraidhean Croise

Senesi 35:2

Ti na pati loa Sakopo ki lona famili, mo latou fuli ala na nonofo mo ia : Kotou too ia koutou a atua kese fuli ala e maua ia koutou, ti kotou fakamea mo fetogi okoutou kofu.

Lua tosi a Samuele 19:24

Na ifo mai foki mo Mefiposete, makopuna o Saulo, o fakafelavei ki le sau. Na leaise fufulu fua e ia ona vae, pe tele lona kaukava, pe fo ona nea lava, talu mei le aso leia na ano ai le sau o kaku ki lana toe liliu mai i le tokamalie.

Lua tosi o Koloniko 29:34

Kae na toka teiki le kau tagata faisakilifisio, ti na leaise mafai ke lotou foke a manu fuli ; koia na tokoi loa kia latou olatou fetaina, le kau Levi, o kaku ki le oki o le gaoi, o kaku foki ki le oki o le fakamea o le toega o le kau tagata faisakilifisio, talie na lasi ake le loto o le kau Levi ke fakamea i le kau tagata faisakilifisio.

Lua tosi o Koloniko 29:5

ti na pati loa a ia kia latou : Kotou fakalogo mai kiate au, kau Levi ! I le aso nei ke kotou fakamea koutou, ke kotou fakamea le fale o le Eteleno, le Atua o okoutou tamana, ti ke kotou tuku ki fafo o le sagatualio le nea leia e kelekele.

Sopo 1:5

Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Levitiko 11:25

Ti ko leia e ave ia loa ni manu mate, e fo loa e ia ona kofu ti e kelekele loa a ia o kaku ki le afiafi.

Levitiko 15:5

Ti ko leia e lave loa ki le moeaga lena, e tonu ke fo loa e ia ona kofu, ti ke maanu loa a ia totonu ; ti e kelekele loa a ia o kaku ki le afiafi.

Numelo 11:18

E ke pati loa ki le kakai : Kotou fakamea ki apogipogi, ti e kotou kai loa se kanoi manu, talie kua kotou tagi ki taliga o le Eteleno, o pati : Ko ai leia e fagai ia loa matou ki se kanoi manu ? Talie na motou mauli malie i Esipito. E soli atu loa e le Eteleno se kanoi manu kia koutou, ti e kotou kai loa a ia.

Numelo 19:19

E fai loa e leia e mea le afusi o leia e kelekele, i le tolu o aso mo le fitu o aso, ti e mea loa a ia i le fitu o aso. E fakamea loa e ia ona kofu, ti e maanu katoa loa a ia i le vai ; ti e mea loa a ia i le afiafi.

Numelo 31:23

a nea fuli ala e feala ke tali ia le afi, e tonu ke fakalaka i le afi ke mea. Kae tonu loa ke fakamea e le vai fakamea a nea fuli ala e leaise feala ke fakalaka i le afi ; e kotou fakalaka loa latou i le vai.

Numelo 31:24

E kotou fakamea loa okoutou kofu i le fitu o aso, ti e kotou mea loa ; ti e feala loa ke kotou ulu ki le nofolaga.

Numelo 8:21

Na fakamea loa le kau Levi ti na lotou fo loa olatou kofu ; ti na fakamaliuliu loa latou e Alone ki le fetuu mo le fetuu ofaipe se moliga i mua o le Eteleno, ti na fai loa e ia le fakamalie kia latou, ke fakamea ai latou.

Numelo 8:7

Ko leinei le nea leia ke ke fai loa ke fakamea ai latou. E ke fai loa kia latou se afusi ki le vai o le fakamea ; e lotou tele loa a fulu i olatou kuaga katoa ti e lotou fo loa olatou kofu, ti e lotou mea loa.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Sosue 3:5

Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.

Sosue 7:13

Ke ke tuu ki aluga, ti ke ke fakamea le kakai. Ke ke pati loa : Ke kotou fakamea ki le aso apogipogi, talie ko leinei le folafola a le Eteleno, le Atua o Iselaele : E tuku ni nea kua fakatapui i loto malie o ou, Iselaele ! E leaise feala loa ke ke tuu i mua o ou fili mo kapau e leaise ke too a nea ana meiate koe.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.

Uluaki tosi a Samuele 16:5

Na tali loa Samuele : E io ; e kau au ke momoli se sakilifisio ki le Eteleno. Kotou fakamea, ti kotou au mo au ki le sakilifisio. Na pati loa Samuele ke fakamea Isaia mo ona vosa, ti na fakaafe loa e ia latou ki le sakilifisio.