Ekesote 18:26 - Tosi Tapu

²⁶ Na lotou fakamaaui loa le kakai i aso fuli : na lotou ave loa kia Moisese a nea faigataa, kae na lotou fakatokatoka loa a nea liliki fuli.

Ekesote 18:26 Iomraidhean Croise

Uluaki tosi o Sau 10:1

Na logo loa le fafine sau o Sepa ki le logologona o Salomone mo le kololia o le Eteleno, ti na au loa a ia ke asiasii a ia ki ni vesili faigataa.

Sopo 29:16

Na kau liliu ko le tamana o le kau fakaaloalofa, Ti na kau tokaga ki le matapule.

Ekesote 18:22

Ke lotou fakamaaui loa le kakai i aso fuli ; ke lotou aumai fua kiate koe a visi lalasi, kae ke lotou fakatokatoka a nea liliki fuli. Ke ke fakamaamaa lau kavega, ti ke lotou amo le kavega mo koe.

Levitiko 24:11

Na lauveli loa le vosa o le fafine Iselaele, o takua noa ki le suafa o le Atua. Ti na ave loa a ia kia Moisese. Ko le igoa o lona tinana ko Selomite, le taine o Tipeli, mei le faasiga o Tane.

Tetelonome 1:17

Ke aua na kotou tiotio tagata i se fakamaau ; ke kotou logo fakatatau ki leia e ikiiki mo leia e lasi ; ke aua na kotou i ki se tagata, talie e kotou fakamaaui i le suafa o le Atua. Ti kapau e faigataa loa se nea kia koutou, ke kotou aumai loa a ia kiate au, ke kau logo ki ai.

Tetelonome 17:8

Kapau e leaise mafai e se fono fakakolo ke fakamaaui ia se nea o uiga mo se tukipo, pe ko se lavea, pe ko se tasi ake a nea, e feala loa ke ke ano o ave a ia ki le ganea leia e filifili loa e le Eteleno, lou Atua.