Ekesote 18:23 - Tosi Tapu

²³ Kapau e ke fai le nea lena, ti kapau ko le nea leinei ko le fakatotonu leia e tuku atu kiate koe e le Atua, ti e leaise ke gaegae loa, ti e kaku loa le kakai leinei i le manuia ki le ganea leia e lotou ano ki ai.

Ekesote 18:23 Iomraidhean Croise

Senesi 18:33

Ti na ano loa le Eteleno i le oki o lana masau kia Apalaamo. Kae na toe liliu loa Apalaamo ki lona nofoaga.

Senesi 30:25

I le oki o le fanaui e Lasele o lona tama ko Sosefo, na pati loa Sakopo kia Lapane : Tuku mai la ke kau ano, ke kau toe liliu ki loku kaiga, ki loku fenua.

Lua tosi a Samuele 18:3

Kae na pati loa le kakai : E leaise ke ano loa ki le tau ! Talie kapau e motou sosola loa, e leaise tokaga loa le fili kia matou ; ti kapau e mate loa le vaelua o le kakai, e leaise tokaga loa a ia ki ai ; kae ko koe, e ke tatau mo se tino agafulu afe o matou ; koia i le lakaga nei, e malie ake ke ke nofo i le kolo, o aumai mei ai se tokoi kia matou.

Lua tosi a Samuele 19:39

I le oki o le fakalaka o le kakai katoa i le solotane, ti na fakalaka foki mo le sau, na sogi loa le sau kia Palesilai mo tapuaki kiate ia. Ti na toe liliu loa Palesilai ki lona kaiga.

Lua tosi a Samuele 21:17

Kae na au loa Apisai, vosa o Teselusa, o tokoi kia Tavite, ti na taai loa e ia le Filisitini o mate. Ti na fakapapau loa le kakai a Tavite, o pati kiate ia : E leaise ke toe ano loa mo matou o tau, ti e leaise tamate loa le malama tutu o Iselaele.

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekesote 18:18

E ke gaegae loa, ti e ke toe fakagaegae ia foki le kakai lena e nofo mo koe ; talie e mamafa ai le gaoi lena kiate koe, ti e leaise feala ke ke amo a ia toka tasi !

Ekesote 18:22

Ke lotou fakamaaui loa le kakai i aso fuli ; ke lotou aumai fua kiate koe a visi lalasi, kae ke lotou fakatokatoka a nea liliki fuli. Ke ke fakamaamaa lau kavega, ti ke lotou amo le kavega mo koe.

Ekesote 18:24

Na fakalogo loa Moisese ki le tokoi a lona tamana, o fai a nea fuli ala na pati a ia ki ai.

Gaoi 15:2

Ti na fakafesagai loa Paulo mo Palenapa kia latou, o lotou visi lasi ai ; ti na fakatotonu loa e fetaina ke pale Paulo mo Palenapa, mo ni iki o latou, ki Selusalemi ki le kau apositolo mo le kau fakamatuatua, o tupu ko le nea lena.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Uluaki tosi a Samuele 8:22

Ti na pati loa le Eteleno kia Samuele : Fakalogo ki lolatou leo, ti ke fakanofo se sau kia latou. Ti na pati loa Samuele ki tagata o Iselaele : Kotou tasi ano la ki lona kolo.