Ekesote 18:21 - Tosi Tapu

²¹ Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Ekesote 18:21 Iomraidhean Croise

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 42:18

I le tolu o aso, na pati loa Sosefo kia latou : Kotou fai le nea leinei, ti e kotou mauli loa. E kau i ki le Atua !

Senesi 47:6

e fakalogo le fenua katoa o Esipito kiate koe. Filifili e koe le ganea malie tukupau o le fenua ke lotou nonofo ai. Ke lotou nonofo i le fenua o Koseni ! Ti kapau e ke maua ia latou ni tagata poto i le tausi manu, ti ke tuku latou ke tokaga ki aku kau manu.

Lua tosi a Samuele 18:1

Na lau loa e Tavite le kakai leia na nofo mo ia, ti na fakanofo loa e ia ni pule solia ki tino afe mo tino lelau.

Lua tosi a Samuele 23:3

Na masau le Atua o Iselaele, Na pati mai kiate au le utu o Iselaele : Ko leia e pule ki le kakai i le faitotonu, Ko leia e pule i le fakaapaapa ki le Atua,

Uluaki tosi o Sau 18:12

Ti e soko loa, ka kau mavae loa meiate koe, e ave loa a koe e le Laumalie o le Eteleno ki se ganea leia e leaise kau iloa ; ti e kau ano loa o fakasa le nea lena kia Akapo, leia e leaise maua ia loa a koe, ti e tamate loa e ia au. Kae e i lau tagata fakasausau ki le Eteleno talu mei lona ikiiki.

Uluaki tosi o Sau 18:3

Ti na pati loa Akapo kia Apetiasi, pule o lona fale. Kae na i lasi ai Apetiasi ki le Eteleno ;

Esetalasi 7:25

Ti ko koe, Esetalasi, o mulimuli ki le poto o le Atua leia e nofo mo koe, fakanofo ni tui fakamaau mo ni tagata o le lao ala e fakamaau ia i le faitotonu le kakai katoa o le fetuu lena o le vaitafe, mo latou fuli ala e iloa ia a lao o lou Atua ; ti ke ako latou ke iloa e latou ala e leaise iloa ia latou.

Neemia 5:9

Ti na kau pati loa : Ko le nea leia e kotou fai e leaise malie. Pe na leaise tonu ke kotou saele i le i ki lotatou Atua, o tupu ke aua na lauvelii tatou e puleaga ala e fili mai kia tatou ?

Neemia 7:2

Na kau tuku loa le pule o Selusalemi ki loku taina ko Anani, mo Anania, pule lasi o le fale solia, tagata na fakalaka i le toka lasi i lona agatonu mo lona alofa ki le Atua.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 29:16

Na kau liliu ko le tamana o le kau fakaaloalofa, Ti na kau tokaga ki le matapule.

Sopo 31:13

Kapau na leaise kau fai le nea leia e totonu ki laku tagata fakasausau pe ko laku fafine fakasausau I le aso leia na la au ai o tagi mai kiate au ki se nea,

Pesalemo 15:1

Pesalemo a Tavite. Eteleno, ko ai e nofo loa i lou falela ? Ko ai e nofo loa i lou mauga maokioki ?

Pesalemo 15:5

E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Ekesote 17:9

Ti na pati loa Moisese kia Sosue : Filifili se kau tagata, ti ke ano o taui Amaleke ; i apogipogi e kau tuu loa i le tumutumu o le mauga mo le tokotoko o le Atua i loku lima.

Ekesote 18:25

Na filifili loa e Moisese ni tagata poto i fanau fuli o Iselaele, ti na fakanofo loa e ia latou ke pule ki le kakai, ki le tino afe, mo le tino lelau, mo le tino lima, ti mo le tino agafulu.

Taagapati 28:2

Ka maveuveu se fenua, e toka api le kau pule ; Kae kapau sau se tagata atamai mo poto, e tologa lana sau.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Esaia 16:5

Kae e tuu mau loa le ekeekeaga o le sau i le manava alofa ; Ti e eke loa i ai se Tuifakamaau agatonu mo alofa ki le faitotonu Mei le sakoga o Tavite.

Esaia 33:15

Ko le tagata leia e saele i le faitotonu, Ti e masau i le maoki, Leia e vesia ki se totogi o le fakamakeke, Leia e tata ona lima ke aua na tali se nea alofa, Leia e tapono ona taliga ke aua na logo ki ni masau o le toto, Leia e sai ona mata ke aua na tio ki le veli,

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Sakalia 7:9

Na folafola le Eteleno o kau tau, o pati : Ke kotou fakamaau i le faitotonu, Ti ke kotou maua le agamalie mo le manavaalofa ia koutou.

Sakalia 8:16

E folafola le Eteleno, o pati : Ko leinei le nea leia e tonu ke kotou fai : Kotou tasi fakasa le maoki ki lona oloi ; kotou fakamaau o mulimuli ki le maoki, ke maua le tokamalie ;

Numelo 1:16

Ko igoa ana o latou ala na kau i le tosi o fanau a Iselaele. Ko latou ana kua filifili ko ni pule latou o famili o Iselaele, mo ni pule o kau solia o Iselaele.

Numelo 1:4

E kau loa mo koulua ki le tosi lena se tagata i le faasiga, ko se tagata leia e pule i lona famili.

Numelo 10:4

Kapau e pupusi loa se fakatagi pupusi e tasi, ti e fakatasi loa kiate koe a pule famili, mo pule o afe o Iselaele.

Luka 18:2

Na pati loa a ia : Na i ai i se kolo se tui fakamaau leia na leaise i fua ki le Atua, pe tokaga fua ki se tagata.

Luka 18:4

Na fakafiti loa a ia o fualoa ai. Kae ki muli na pati loa a ia i lona loto : e leaise kau i fua ki le Atua ti e leaise kau tokaga fua ki se tasi,

Gaoi 20:33

Ti na leaise kau manumanu ki se paaga, pe ki se aulo, pe ki ni kofu o se tasi.

Gaoi 6:3

Koia, ei fetaina, kotou filifili ia koutou ni tagata e toka fitu, ala e tuku ki ai se fakamaoki malie, ti e apele i le Laumalie Maokioki mo le poto, ti e motou tuku loa kia latou le kavega lena.

Tetelonome 22:18

Ti e too loa e le kau fakamatuatua o le kolo lena le tagata o tautea ;

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Sosue 22:14

ti na ano loa mo ia ni tagata pule e tino agafulu, ko le tagata e tasi i le faasiga ; na lotou pule famili fuli i faasiga o Iselaele.

Uluaki tosi a Samuele 8:12

E fakanofo loa e ia latou ko ni pule solia o le tino afe, mo le tino lima ; ti e fakagaoi loa e ia latou ke fakamaluu ia ona kele, ke tuuti ia lana fulumeto, ke fau ia ana masafu tau mo nea ki ana saliote.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.