Ekesote 18:19 - Tosi Tapu

¹⁹ I le aso nei fakalogo mai ki loku leo ; e kau tuku loa kiate koe se tokoi, ti ke nofo le Atua mo koe ! Nofo a koe ko le tagata fakasokopati a le kakai i mua o le Atua, ti ke aumai a visi lalasi ki mua o le Atua.

Ekesote 18:19 Iomraidhean Croise

Senesi 39:2

Na nofo loa le Eteleno mo ia, ti na ano loa le manuia mo ia ; na nofo a ia i le fale o lona pule, le tagata Esipito.

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Ekesote 18:15

Na tali loa Moisese ki lona tamana : E tupu e au le kakai kiate au o afa le finegalo o le Eteleno.

Ekesote 18:20

Ako e koe kia latou a fakatotonu mo lao ; ti fakasa e koe kia latou le ala leia e tonu ke lotou saele ai, mo le nea leia e tonu ke lotou fai.

Ekesote 18:24

Na fakalogo loa Moisese ki le tokoi a lona tamana, o fai a nea fuli ala na pati a ia ki ai.

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Ekesote 4:16

E fakasoko loa e ia au masau ki le kakai ; ti e liliu loa a ia kiate koe ko lou gutu, ti e ke liliu loa kiate ia ko le fakafofoga o le Atua.

Taagapati 9:9

Soli ki le tagata poto, ti e liliu loa a ia o toe asili poto ; Ako le tagata faitotonu, ti e fakalasi loa e ia lona iloa.

Numelo 27:5

Na ave loa e Moisese lalatou tagi ki mua o le Eteleno.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 5:5

Ti na kau tuu loa i le vasa o le Eteleno mo koutou, o fakasa kia koutou le folafola a le Eteleno, talie na kotou i ki le afi, ti na leaise kotou pale loa ki le mauga. Na pati loa a ia :

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.