Ekesote 18:11 - Tosi Tapu

¹¹ I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Ekesote 18:11 Iomraidhean Croise

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Uluaki tosi o Koloniko 16:25

Talie e lasi le Eteleno ti e gali a ia mo le fakavikiviki, E fakaii a ia i aluga o atua fuli ;

Lua tosi o Koloniko 2:5

Ko le fale leia e kau fakatuu e tonu ke lasi, talie e lasi ake lomatou Atua i atua fuli.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Neemia 9:16

Kae na fia nealasi omatou tamana, o fakafefeka olatou ua. Na leaise lotou fakalogo loa ki au folafola,

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Pesalemo 119:21

E ke valoki le kau fia nealasi, le kau malaia lena, Ala na sese o mamao i au folafola.

Pesalemo 135:5

E kau iloa e lasi le Eteleno, Ti e taualuga lotatou Aliki i atua fuli.

Pesalemo 31:23

Na kau pati i loku oso noa : Kua kapu au o mamao i ou mata ! Kae na ke logo ki le leo o aku kole, I le aso leia na kau tagi ai kiate koe.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Pesalemo 97:9

Talie ko koe, Eteleno ! E ke Taualuga i le malama nei katoa, E siki a koe ki aluga o atua fuli.

Ekesote 1:10

Ko leinei, ke tou tokaga kia latou ; ke tou fai ni puleaki ke aua na lotou lasi ake ia tatou, talie na soko loa se tau, ti lotou kau loa mo otatou fili o tau mai kia tatou, ti lotou mavae loa i le fenua.

Ekesote 1:16

Na pati loa a ia kia laua : Ka kolua fakafanaui loa a fafine o le kau Epeleo, ti kapau e kolua tio loa i le vilo ake o le toe, ko se toe tagata, ti kolua tamate a ia, kae kapau ko se toe fafine, ti kolua tuku a ia ke mauli.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 14:18

Ti e iloa loa e le kau Esipito ko au ko le Eteleno, mo ka fakasa loa loku kololia e Falaone, mo ana saliote, ti mo lana kau ekeosi.

Ekesote 14:8

Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Ekesote 5:7

E leaise kotou toe soli loa se mutie malo ki le kakai ke fai ai a piliki ofaipe mua ; kae ke lotou ano totonu loa o tae mutie malo.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Numelo 33:4

Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

Luka 1:51

Na fakasa e ia le makeke o lona lima ; Na veteki e ia latou ala na nonofo mo ni manatu fia nealasi i olatou loto.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.