Ekesote 18:10 - Tosi Tapu

¹⁰ Ti na pati loa Setelo : Ke fakafetai ki le Eteleno leia na fakamauli ia koutou mei le lima o le kau Esipito mo le lima o Falaone ; ko ia leia na fakamauli ia koutou mei le lima o le kau Esipito !

Ekesote 18:10 Iomraidhean Croise

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 24:27

o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Lua tosi a Samuele 18:28

Na kalaga loa Asimaate, o pati ki le sau : Kua ano malie a nea fuli ! Na punou loa a ia ki le kele i mua o le sau, o pati : Ke fakafetai ki le Eteleno, lou Atua, leia kua tuku ia a tagata ala na siki ia olatou lima ke agatuu ki le sau, loku aliki !

Uluaki tosi o Sau 8:15

Ti na pati loa a ia : Ke fakafetai ki le Eteleno, le Atua o Iselaele, leia na masau mei lona gutu kia Tavite, loku tamana, ti kua fakasoko ia i lona makeke le nea leia na fakasa e ia, o pati :

Uluaki tosi o Sau 8:56

Ke fakafetai ki le Eteleno, leia kua soli ia le malolo ki lona kakai ko Iselaele, o mulimuli ki ana fakapapau fuli ! Ke fakafetai ki le Eteleno o uiga mo folafola malilie fuli ala na fai e ia ki le gutu o Moisese, lana tagata fakasausau, talie na leaise vilo noa se folafola fua e tasi.

Pesalemo 41:13

Na ke fakamakeke au o tupu ko loku agatonu, Ti na ke fakanofo au i lou agaiaga o lee gato.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Uluaki tosi ki le kau Tesalonika 3:9

Koia na motou fakafetai lasi ai ki le Atua o uiga mo koutou, o tupu ko le fiafia leia e motou maua ia koutou i mua o lotatou Atua !

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Samuele 15:6

Na pati loa a ia ki le kau Kenia : Kotou ano, kotou mavae, kotou mavae kese meia Amaleke, ke aua na tamate loa koutou mo Amaleke ; talie na kotou agamalie ki fanau a Iselaele i le aso na lotou pale mai ai mei Esipito. Ti na mavae kese loa le kau Kenia ia Amaleke.

Uluaki tosi a Samuele 25:32

Na pati loa Tavite kia Apikaile : Ke fakafetai ki le Eteleno, le Atua o Iselaele, leia na kakau ia mai a koe kiate au i le temi nei !