Ekesote 17:7 - Tosi Tapu

⁷ Ti na soli loa e Moisese ki le ganea lena le igoa ko Masa mo Melipa, talie na fakatupu fefele a fanau a Iselaele kia Moisese, ti na lotou asiasii le Eteleno, o pati : Pe nofo koia le Eteleno mo tatou, pe leai

Ekesote 17:7 Iomraidhean Croise

Pesalemo 106:32

Na lotou toe fakatupu loa le sausau o le Eteleno i vai o Melipa ; Ti na tautea loa Moisese o tupu ko latou,

Pesalemo 78:18

Na lotou asiasii loa le Atua i olatou loto, O lotou kole se nea kai o mulimuli ki oli o lolatou loto.

Pesalemo 81:7

Na kau too le amoga i lona tuauma, Ti na tiaki e ona lima le kete.

Pesalemo 81:8

Na ke kalaga i le mamae, ti na kau saofaki a koe ; Na kau tali kiate koe mei le mumuniaga o le mana ; Na kau asiasii a koe i vai o Melipa. - Manava.

Pesalemo 95:8

Aua na kotou fakafefeka okoutou loto, ofaipe okoutou tamana i Melipa, ofaipe le aso o Masa, i le toafa,

Ekesote 17:2

Ti na fakatupu fefele loa le kakai kia Moisese. Na lotou pati loa : Soli mai se vai ke inu. Na tali loa Moisese kia latou : Kolea e kotou fakatupu fefele ai kiate au ? Kolea e kotou asiasii ai le Eteleno ?

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 20:13

Ko vai ana o Melipa, ala na fakatupu fefele ai fanau a Iselaele ki le Eteleno, ti na fakasa loa e le Eteleno lona maokioki.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 27:14

talie na kolua agatuu ki laku fakatotonu, i le toafa o Sini, i le aso leia na fakatupu fefele ai le kakai kiate au : Na leaise kolua fakasa loku maokioki i mata o fanau a Iselaele, i le aso leia na lotou tagi ai ki se vai. Ko vai ana o Melipa, vai o fefele, i Katesi, i le toafa o Sini.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 33:8

Kia Levi, na pati a ia : Na tuku a Tumini mo Ulimi ki le tagata maokioki, Leia na ke asiasii i Masa, Ti na ke fakamaaui i vai o Melipa.

Tetelonome 6:16

Ke aua na kotou asiasii loa le Eteleno, lokoutou Atua, ofaipe lakoutou asiasii a ia i Masa.

Tetelonome 9:22

I Tapela, mo Masa, mo Kipiloti-Ataava, na kotou fakatupu loa le sausau o le Eteleno.

Sosue 22:31

Ti na pati loa Finesi, vosa o le tagata faisakilifisio ko Eleasale, ki vosa o Lupeni, mo vosa o Kate, ti mo vosa o Manase : E motou iloa i le aso nei e nofo le Eteleno i loto malie o tatou, talie ko lena na leaise kotou fai ia se agatuu ki le Eteleno. Ti kua kotou saofaki a fanau a Iselaele mei le lima o le Eteleno.