Ekesote 17:6 - Tosi Tapu

⁶ Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Ekesote 17:6 Iomraidhean Croise

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Pesalemo 105:41

Na fakamavaa loa e ia le utu, ke sali mei ai le vai ; Ti na tafe loa le vai ofaipe se vaitafe i ganea malo.

Pesalemo 114:8

Leia e fetogi ia le utu ko se tanakiaga vai, Le utu fefeka ko se matapuna vai.

Pesalemo 46:4

Mo ka gugulu ai ti mo piau ai a galu o le tai, Ti mo lotou malaga ai ki aluga o lui a mauga. - Manava.

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Pesalemo 78:18

Na lotou asiasii loa le Atua i olatou loto, O lotou kole se nea kai o mulimuli ki oli o lolatou loto.

Pesalemo 78:20

Ko leinei, na taai e ia le utu, ti na sali ni vai, Ti na tafe ni liua : Pe mafai loa ke soli foki e ia se pane, Pe ko se kanoi manu ki lona kakai ?

Pesalemo 81:7

Na kau too le amoga i lona tuauma, Ti na tiaki e ona lima le kete.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Numelo 20:8

Ke ke too lou tokotoko, ti ke ke tanaki le fakatasi, e koe mo lou taina ko Alone. E kolua masau loa i olatou mua ki le utu leinei, ti e soli atu loa e ia ona vai ; e ke fakamapuna loa kia latou se vai mei le utu, ti e ke fakainu loa ki le vai le kakai mo manu.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Tetelonome 1:2

Na aso kau agafulu tupu tasi le fanoga mei Olepe ki Katesi-Palenea, i le ala o le mauga ko Seili.

Tetelonome 8:15

leia na fakasaele ia a koe i le toafa lasi leinei mo fakaii, leia e maua ai a gata kona, mo sekolopio, mo le laaina, mo le malo ; leia na fakasali ia kiate koe se vai mei le utu fefeka ;

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.