Ekesote 17:15 - Tosi Tapu

¹⁵ Ti na fakatuu loa e Moisese se aletale, o soli loa ki ai le igoa : ko Seova-Nisi (ko le Eteleno ko loku manumanu).

Ekesote 17:15 Iomraidhean Croise

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 12:8

Ti na siki loa a ia i lena o ano ki le mauga, i le potu esite o Petele, ti na fakatuu loa e ia ona falela i le vasa o Petele i le potu esite mo Ai i le potu uesite. Na toe fakatuu loa e ia i lena se tasi aletale ki le Eteleno, ti na faikole loa a ia i le suafa o le Eteleno.

Senesi 22:14

Na soli loa e Apalaamo ki le ganea lena le igoa ko Seova-Sile. Koia leia e pati ai i aso nei : I le mauga e soli loa e le Eteleno le nea leia e aoga !

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Pesalemo 60:4

Na ke luui le malama nei, na ke saei a ia : Ke ke toe tapono ona pu, talie kua vave siga fua a ia !

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 27:1

E ke fai loa le aletale ki le akasia ; ko lona loa ko meta e lua vaelua, ti ko lona laulasi ko meta e lua vaelua. E potupotu tatau loa le aletale, ti ko lona taualuga e meta tasi vaelua.

Ekesote 32:5

I le tio a Alone ki le nea lena, na fakatuu loa e ia se aletale i ona mua, ti na kalaga loa a ia : I apogipogi, e fai loa se aso lasi fakafiafia ki le Eteleno !

Tuifakamaau 6:24

Ti na fakatuu loa e Seteone i le ganea lena se aletale ki le Eteleno, ti na tuku loa e ia ki ai le igoa ko le Eteleno o le tokamalie : koi tuu a ia i le aso nei i Ofala o Apiesele.