Ekesote 17:10 - Tosi Tapu

¹⁰ Na ano loa Sosue o taui Amaleke o mulimuli ki le nea leia na pati ki ai Moisese. Kae na pale loa Moisese, mo Alone, mo Ulu ki le tumutumu o le mauga.

Ekesote 17:10 Iomraidhean Croise

Uluaki tosi o Koloniko 2:19

Na mate loa Asupa ; ti na toe avaga loa Kalepo mo Efelata, leia na fanaui ia a Ulu kiate ia.

Ekesote 17:11

Ka siki e Moisese ona lima ki aluga, ti e makeke Iselaele ; ti ka tuku e Moisese ona lima ki lalo, ti e makeke Amaleke.

Ekesote 17:12

Kae i le mamafa o lima o Moisese, na too loa e Alone mo Ulu se fatu, o fakaekeeke Moisese ki ai. Kae na la poupou loa a lima o Moisese, ko le tasi i le fetuu atamai, ti ko le tasi i le fetuu sema ; ti na tuu fefeka loa a lima o Moisese o kaku ki le to o le laa.

Ekesote 24:14

Na pati loa a ia ki le kau matua : Kotou talitali kia maua i leinei, o kaku ki lama toe liliu mai loa kia koutou. Ko leinei, e nofo loa Alone mo Ulu, mo koutou ; kapau e i ai se nea a se tagata ke fai, ke ano a ia o fakasa kia laua.

Ekesote 31:2

Ke ke iloa kua kau filifili Petesaleele, vosa o Uli, vosa o Ulu, mei le faasiga o Suta.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Soane 2:5

Na pati loa lona tinana ki le kau tagata fakasausau : Kotou fai le nea leia e pati atu loa a ia ki ai.

Sosue 11:15

Na fai loa e Sosue a fakatotonu a le Eteleno ki lona tagata fakasausau ko Moisese, ti na toe tuku loa e Moisese kia Sosue ; na leaise tiaki noa loa e ia se nea fua e tasi i nea fuli ala na fakatotonu e le Eteleno kia Moisese.