Ekesote 17:1 - Tosi Tapu

¹ Na mavae loa le fakatasiga katoa o fanau a Iselaele i le toafa o Sini, o mulimuli ki le fakatuutuu leia na tuku e le Eteleno kia latou o uiga mo le fanoga ; ti na lotou nonofo loa i Lefitimi, ti na leaise maua loa e le kakai se vai ke inu i le ganea lena.

Ekesote 17:1 Iomraidhean Croise

Ekesote 15:22

Na ave loa e Moisese a Iselaele mei le tai Kula, ti na lotou too loa le ala ki le toafa o Suli. Ti na lotou fanoga loa i aso e tolu i le toafa, ti na leaise lotou maua loa se vai.

Ekesote 16:1

Na mavae loa le fakatasiga katoa o fanau a Iselaele i Elimi, ti na lotou kaku loa ki le toafa o Sini, leia e tuu i le vasa o Elimi mo Sinai, i le aso kau agafulu tupu lima o le lua o masina, mei le lolatou mavae i le fenua o Esipito.

Ekesote 17:8

Na au loa Amaleke o taui Iselaele i Lefitimi.

Ekesote 19:2

I lalatou mavae i Lefitimi, na lotou ulu loa ki le toafa o Sinai, ti na lotou fakatuu loa lolatou nofolaga i le toafa, o ofi ki le mauga o Sinai.

Numelo 20:2

Na leaise maua loa se vai ki le kakai, ti na lotou fakatasi loa o fakavisi kia Moisese mo Alone.

Numelo 9:17

Ka malaga loa le ao i aluga o le falela tapu, ti ko fanau a Iselaele na fanoga loa, ti ka tuu loa le ao i se ganea, ti ko fanau a Iselaele na fakatuu ia loa lolatou nofolaga.

Numelo 9:23

Na lotou nonofo i olatou falela o mulimuli ki le fakatotonu a le Eteleno, ti na lotou fanoga o mulimuli ki le fakatotonu a le Eteleno. Na lotou fakalogo ki le pule a le Eteleno, ki le fakatotonu a le Eteleno ia Moisese.