Ekesote 16:8 - Tosi Tapu

⁸ Na pati loa Moisese : E soli loa e le Eteleno kia koutou i le afiafi leinei se kanoi manu ke kai ; ti i le usu apogipogi, e soli atu loa e ia se pane ke kotou makona ai, talie kua logo le Eteleno ki lauga ala na kotou fai kiate ia ; ti ko ai maua ? E leaise ko maua ala e kotou gugu ki ai, kae ko le Eteleno totonu leia e kotou gugu ki ai.

Ekesote 16:8 Iomraidhean Croise

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Ekesote 16:9

Na pati loa Moisese kia Alone : Pati ki le fakatasiga katoa o fanau a Iselaele : Kotou fakafeofi mai ki mua o le Eteleno, talie kua logo a ia ki akoutou gugu.

Ekesote 17:2

Ti na fakatupu fefele loa le kakai kia Moisese. Na lotou pati loa : Soli mai se vai ke inu. Na tali loa Moisese kia latou : Kolea e kotou fakatupu fefele ai kiate au ? Kolea e kotou asiasii ai le Eteleno ?

Esaia 32:6

Talie e fakasa e le vale ni nea fakavale, Ti e afa e lona loto le veli, Ke fai ni agatuu ki le Atua Ti ke lau ni masau salasala ki le Eteleno, Ke tiaki noa le laumalie o leia e pakupaku, Ti ke too le nea inu a leia e fia inu.

Esaia 37:29

Talie kua ke itaita kiate au, Ti kua logo mai au masau matasoka ki oku taliga, E kau tuii loa laku matau ki lou isu, ti mo laku fakagutu ki ou laugutu, Ti e kau toe fakaliliu loa a koe i le ala leia na ke au ai.

Numelo 11:18

E ke pati loa ki le kakai : Kotou fakamea ki apogipogi, ti e kotou kai loa se kanoi manu, talie kua kotou tagi ki taliga o le Eteleno, o pati : Ko ai leia e fagai ia loa matou ki se kanoi manu ? Talie na motou mauli malie i Esipito. E soli atu loa e le Eteleno se kanoi manu kia koutou, ti e kotou kai loa a ia.

Numelo 14:27

E kaku loa kiafea laku tuku le kakai agaveli leinei ke lalau kiate au ? Kua kau logo ki lalau o vosa o Iselaele ala na fai kiate au.

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Mateo 10:40

Ko leia e tali ia koutou e tali ia au, ti ko leia e tali ia au, e tali ia loa leia na kakau ia mai au.

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Soane 13:20

E maoki, e maoki, e kau pati atu kia koutou, ko leia e tali ia leia e kau kakau ia loa, e tali e ia au ; ti ko leia e tali ia au, e tali e ia leia na kakau ia mai au.

Loma 13:2

Ko leia e agatuu ki le pule, e agatuu ki le fakatuutuu a le Atua, ti ko latou ala e agatuu, e aumai ia loa kia latou le tautea.

Uluaki tosi ki le kau Kolinto 10:10

Aua na kotou lauga, ofaipe le fai a ni iki o latou, ala na tamate loa e le aselo o le malaia.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Uluaki tosi a Samuele 8:7

Na pati loa le Eteleno kia Samuele : Fakalogo ki le leo o le kakai i nea fuli ala e pati atu loa a ia ki ai ; talie e leaise ko koe leia e lotou tiaki, ko au leia e lotou tiaki, o tupu ke aua na kau toe pule kia latou.