Ekesote 16:7 - Tosi Tapu

⁷ I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Ekesote 16:7 Iomraidhean Croise

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Ekesote 16:8

Na pati loa Moisese : E soli loa e le Eteleno kia koutou i le afiafi leinei se kanoi manu ke kai ; ti i le usu apogipogi, e soli atu loa e ia se pane ke kotou makona ai, talie kua logo le Eteleno ki lauga ala na kotou fai kiate ia ; ti ko ai maua ? E leaise ko maua ala e kotou gugu ki ai, kae ko le Eteleno totonu leia e kotou gugu ki ai.

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 24:16

Na ifo loa le kololia o le Eteleno ki le mauga o Sinai, ti na uufi loa e le ao a ia i aso e ono. I le fitu o aso, na kalaga loa le Eteleno kia Moisese mei le ao.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Levitiko 9:6

Na pati loa Moisese : ko leinei le nea leia na fakatotonu e le Eteleno ke kotou fai ; ti e sa loa le kololia o le Eteleno kia koutou.

Numelo 14:10

Na masau loa le kakai katoa ke tuki fatui laua ke mate, kae fokifa kua sa le kololia o le Eteleno i aluga o le falela tapu, i mua o fanau fuli o Iselaele.

Numelo 14:27

E kaku loa kiafea laku tuku le kakai agaveli leinei ke lalau kiate au ? Kua kau logo ki lalau o vosa o Iselaele ala na fai kiate au.

Numelo 16:11

Talie ko le tupuaga lena o lau fakafesagai mo lou kakai ki le Eteleno ! Talie ko ai Alone ke kotou lauveli ai kiate ia ?

Numelo 16:42

Na lolotoga tanaki ake loa le fakatasi katoa kia Moisese mo Alone, ti na lotou maliu loa o agaaga ki le fetuu o le falela tapu, ti na lotou tio loa kua kofu katoa a ia e le ao, ti na sa loa le kololia o le Eteleno.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Soane 11:4

I lana logo ki le nea lena, na pati loa Sesu : E leaise sikuga le masaki lena ki le mate, kae ki le kololia o le Atua, o tupu ke fakasa ai le kololia o le Alo o le Atua.

Soane 11:40

Na pati loa Sesu kiate ia : Pe na leaise kau pati atu kiate koe, kapau e ke tui, ti e ke tio loa ki le kololia o le Atua ?