Ekesote 16:3 - Tosi Tapu

³ Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Ekesote 16:3 Iomraidhean Croise

Lua tosi a Samuele 18:33

Koia na mamae lasi ai le sau, ti na pale loa a ia ki le kogafale i aluga o le matapa, o tagi loa. Na pati a ia i lana saele : Ei loku vosa ko Apesalone ! Ei loku vosa, ei loku vosa ko Apesalone ! Kolea na leaise kau mate ai o fetogi a koe ! Apesalone, loku vosa, loku vosa !

Sopo 3:1

Ti na sili a ia, na fakamavaa loa e Sopo lona gutu, o tutukui le aso o lona tupu.

Sopo 3:10

Talie na leaise tapono e ia le manava leia na fakatupu ia au, Ti na leaise fufu e ia le mamae ki oku mata.

Sopo 3:20

Kolea e soli ai e le Atua le malama ki leia e mamae, Ti mo le mauli kia latou ala e loto mamae,

Pesalemo 107:5

Na lotou mamae i le fia kai mo le fia inu ; Na gaegae olatou laumalie ia latou.

Pesalemo 78:19

Na lotou masau veli loa ki le Atua, Na lotou pati loa : Pe mafai loa e le Atua Ke fakatuu se laupapa kai i le toafa ?

Pesalemo 78:25

Na lotou kai fuli loa ki le pane a le kau lalasi, Na aumai loa e ia kia latou se nea kai ke lotou makona ai.

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 5:21

Na lotou pati loa kia laua : Ke tio mai le Eteleno kia koulua, ti ke fakamaaui e ia ! Kua kolua fakaliliu matou o fakalialia ki mata o Falaone mo ana tagata fakasausau, ti kua kolua teki se seleta ki olatou lima ke tamate ai matou.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Tagi laulau a Selemia 4:9

Ko latou ala e mamate i le seleta e manuia ake Ia latou ala e mamate i le fia kai, Ala e vivilo Talie e leaise koi i ai ni fua o faisaga.

Numelo 11:15

Ti kapau e ke fai fenaaki kiate au, ti e malie ake ke ke tamate au ! E ke fakasa loa i ai lou agamalie kiate au, ti e leaise kau tio loa ki le malaia o loku kakai.

Numelo 11:20

kae i se masina katoa, o kaku ki lana sali mei okoutou pogoisu, ti ke kotou fakalialia loa ki ai, talie na kotou tiaki le Eteleno leia e nofo i loto malie o koutou, talie na kotou tagi i ona mua, o pati : Kolea na tou mavae ai mei Esipito ?

Numelo 14:2

Na lalau loa fanau fuli o Iselaele kia Moisese mo Alone, o pati : Felaaki ake na motou mate i le fenua o Esipito ! Felaaki ake foki na motou mate i le toafa !

Numelo 14:3

Kolea kua ave ai matou e le Eteleno ki le fenua leinei, ke motou mamate ai i le tau, ti ke ave loa omatou avaga mo omatou fanau o fakapopulai ! Pe leaise malie ake kia matou ke motou toe liliu ki Esipito ?

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:41

I le apogipogi ake fai, na lalau loa le fakatasi katoa o Iselaele kia Moisese mo Alone, o pati : Ko koulua ala na tamate ia le kakai o le Eteleno.

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Gaoi 26:29

Ti na tali loa Paulo : Pe soko vave a ia pe soko tuvai, e kau kole ki le Atua ke aua na gato fua kiate koe, kae kia latou fuli foki ala e fakalogo mai kiate au i le aso nei, ke kotou liliu ofaipe au, kae sala fua mo tini anei !

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Lua tosi ki le kau Kolinto 11:1

Oi ! E kau fakaamu ke kotou mafai ia le tali o se valea ikiiki fua iate au ! io, kotou kataki au !

Tetelonome 28:67

E ke pati loa i le usu : amusia ake ke afiafi ! ti e ke pati loa i le afiafi : amusia ake ke usu ! o tupu ko le i leia e ke logoi loa i lou loto mo le nea leia e tio loa ki ai ou mata.

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !