Ekesote 16:15 - Tosi Tapu

¹⁵ Na tio loa fanau a Iselaele ki le nea lena ti na lotou femasauaki loa : Kolea le nea leinei ? talie na leaise lotou iloa pe kolea a ia. Na pati loa Moisese kia latou : Ko le pane leia e soli atu e le Eteleno kia koutou ke kotou kai.

Ekesote 16:15 Iomraidhean Croise

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Pesalemo 105:40

I lalatou kole, na aumai loa e ia kia latou ni manu lele, Ti na fagai loa e ia latou o makokona ki le pane o lagi.

Pesalemo 78:24

Na fakato loa e ia le mane kia latou ke lotou kai, Na soli loa e ia kia latou le fulumeto o le lagi.

Ekesote 16:31

Na tuku loa e le fale o Iselaele le igoa ko le mane ki le nea kai lena. Na fai a ia pe le fua o le laakau ko le koliate ; na tea a ia, ti na kano a ia ofaipe se fa kato meli.

Ekesote 16:33

Ti na pati loa Moisese kia Alone : Too se ipu, ti ke fafao ki ai se mane o fua ki se omele, ti ke tuku a ia i mua o le Eteleno, ke taupau ki okoutou sakoga.

Ekesote 16:4

Na pati loa le Eteleno kia Moisese : Ko leinei, e kau fakavilo ia loa kia koutou se pane mei le lagi. E ulu loa le kakai ki fafo, o tae le pane i aso taki tasi, o fakafuafua ki le nea leia e aoga ki lana kai. E kau tio loa i ai pe kotou fakalogo ki aku lao pe leai.

Taagapati 9:5

Kotou au, kotou kai ki laku pane, Ti kotou inu ki le vino leia na kau sui ;

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Luka 12:30

Talie e afa a nea fuli ana e le kau pagani o le malama nei. E iloa e lokoutou Tamana e aoga a nea fuli ana kia koutou.

Soane 6:49

Na kai e okoutou tamana le mane i le toafa, ti na lotou mamate.

Soane 6:58

Ko leinei le pane leia na ifo mei le lagi. E leaise tatau a ia mo le mane leia na kai e okoutou tamana ti na lotou mamate : Ko leia e kai ia le pane leinei e mauli loa o lee gato.

Uluaki tosi ki le kau Kolinto 10:3

ti na lotou kai fuli le nea kai fakalaumalie e tasi,

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.

Sosue 5:12

I le aso totonu lena na lotou kai ai a fua o le fenua, na gato ai loa le mane. Na leaise toe sa loa se mane, ti na kai loa e fanau a Iselaele a fua o le fenua o Kanaane i le fetuu lena.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.