Ekesote 15:6 - Tosi Tapu

⁶ Kua fakasa e lou lima atamai, ei Eteleno ! lona makeke ; Kua laliki e lou lima atamai, ei Eteleno ! le fili.

Ekesote 15:6 Iomraidhean Croise

Pesalemo 17:7

Fakasa lou agamalie, a koe leia e fakamauli ia latou ala e afa ia se mumuniaga, Ti e fakamauli ia latou ki lou lima atamai i olatou fili !

Pesalemo 2:9

E ke fatifatii loa latou ki se tokotoko ukamea, E ke fatifatii loa latou ofaipe le ipu a se tagata faiipu.

Pesalemo 24:8

Ko ai le sau lena o le kololia ? Ko le Eteleno makeke mo mafimafi, Le Eteleno toa i tau.

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Pesalemo 44:4

Talie na leaise lotou maua le fenua o tupu ko alatou seleta, Na leaise saofaki latou e olatou lima : Kae ko lou lima atamai, ko lou makeke, ko le malama o ou mata, Talie na ke alofa kia latou.

Pesalemo 60:5

Na ke fakatio lou kakai ki ni nea mamafa, Na ke fakainu matou ki se vino fakatupu galivale.

Pesalemo 74:11

Kolea e ke taofi ai lou lima, io, lou lima atamai ? Tatai a ia mei lou fatafata, ti ke maumaui !

Pesalemo 77:10

Pe kua galo loa i le Atua ke alofa kia tatou ? Pe kua too loa e ia i lona sausau lona manava alofa ? - Manava.

Pesalemo 89:14

E mafimafi lou lima, E makeke lou alofi lima, e taualuga lou lima atamai.

Pesalemo 98:1

Pesalemo. Kotou sua ki le Eteleno se katiko foou ! Talie na fai e ia ni nea lalasi, Na tokoi kiate ia lona lima atamai mo lona lima maokioki.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 15:12

Na ke falo lou lima atamai : Ti na folo latou e le kele.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 18:8

Na fakamatala loa e Moisese ki lona tamana a nea fuli ala na fai e le Eteleno kia Falaone mo Esipito o tupu ko Iselaele, a mamae fuli ala na soko kia latou i le ala, ti mo lolatou fakamauli e le Eteleno.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Esaia 30:14

E maumau a ia ofaipe se ipu kele, Leia na taai fakaveliveli ke momo, Ti e leaise toe maua loa sona ga tipi ke too ai se malamalai afi i le gutuumu, Pe ke asu ai se ga vai i le fa tane.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Apokalipisi 2:27

E taki loa e ia latou ki se tokotoko ukamea, ti e ta loa e ia latou ke mafaafaa ofaipe ni ipu kele.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.