Ekesote 15:26 - Tosi Tapu

²⁶ Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 15:26 Iomraidhean Croise

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Uluaki tosi o Sau 11:38

Kapau e ke fakalogo ki nea fuli ala e kau fakatotonu loa kiate koe, kapau e ke saele i oku ala, ti kapau e ke fai le nea leia e totonu i oku mua, o tausi aku lao mo aku fakatotonu, ofaipe lona fai e Tavite, laku tagata fakasausau, e kau nofo loa mo koe, ti e kau fakamakeke loa lou sakoga ofaipe laku fakamakeke le sakoga o Tavite, ti e kau soli loa kiate koe Iselaele.

Lua tosi o Sau 2:21

Na ano loa Eliseo ki le matapuna o le vai, ti na laku loa e ia ki ai le patai, o pati : Ko leinei le folafola a le Eteleno : E kau fakamauli le vai leinei, ti e leaise toe maua loa mei ai le mate mo le paa.

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Lua tosi o Sau 22:2

Na fai loa e Sosiasi le nea leia e malie ki le Eteleno, ti na saele loa a ia i le ala katoa o Tavite, lona tamana ; na leaise toe se loa a ia ki tafa.

Sopo 5:18

E fai e ia le mamae, kae toe fakamauli foki e ia ; E fai e ia le lavea, kae toe faitoo a ia e lona lima.

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 81:9

Fakalogo mai, ei loku kakai ! ti e kau fakasa fakatomua loa kiate koe ; Iselaele, pe mafai fua ke ke fakalogo mai kiate au !

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Selemia 11:7

Talie na kau valoki okoutou tamana, Talu mei le aso leia na kau fakamavae ai latou i Esipito O kaku mai ki le aso nei, Na kau valoki latou i usu fuli, o pati : Kotou fakalogo ki loku leo !

Selemia 17:24

Kapau e kotou fakalogo mai kiate au, e pati le Eteleno, Kapau e leaise kotou fakaulu ni amoga I matapa o le kolo leinei i le aso o le sapato, Kapau e kotou fakatapu le aso o le sapato, Ti e leaise kotou fai se gaoi i le aso lena,

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Esekiele 18:5

Ko le tagata leia e faitotonu, leia e fai ia le nea e totonu mo malie,

Oseo 11:3

Ko au leia na takitaki ia a lakaaga o Efalaimi, Ti na too ia a ia i ona lima ; Kae na leaise lotou iloa ko au leia na faitoo ia latou.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Levitiko 26:3

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou,

Numelo 12:13

Ti na tagi loa Moisese ki le Eteleno, o pati : Ei Atua, e kau kole atu kiate koe, fakamauli a ia !

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 12:28

Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 28:27

E tautea loa a koe e le Eteleno ki le papala o Esipito, mo le mamae o le faikauga, mo le kama, mo le kili mageo, ti e leaise ke maua ia loa se faitoo.

Tetelonome 28:58

Kapau e leaise ke tausi loa ti mo fai loa a folafola fuli o le lao leinei, ala kua tuu i le tosi leinei, ti kapau e leaise ke fakaapaapa loa ki le suafa fakakololia mo fakaii o le Eteleno, lou Atua,

Tetelonome 28:60

E kakau mai loa e ia kiate koe a masaki veveli fuli o Esipito, ala na ke lulu ai ; ti e lotou pipiki loa kiate koe.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 7:15

E fakamamao loa e le Eteleno iate koe a masaki fuli ; e leaise tuku loa e ia kiate koe a masaki veveli ala na ke iloa i Esipito, kae tuku loa e ia latou kia latou fuli ala e vesia kiate koe.