Ekesote 15:22 - Tosi Tapu

²² Na ave loa e Moisese a Iselaele mei le tai Kula, ti na lotou too loa le ala ki le toafa o Suli. Ti na lotou fanoga loa i aso e tolu i le toafa, ti na leaise lotou maua loa se vai.

Ekesote 15:22 Iomraidhean Croise

Senesi 16:7

Na maua loa a ia e le aselo o le Eteleno i tafa o se matapuna vai i le toafa leia e tuu i le ala o Sua.

Senesi 20:1

Na mavae loa Apalaamo i le ganea lena, o ano ki le potu saute ; ti na fakatuu loa e ia lona nofoaga i Katesi mo Suli, ti na ano loa a ia ki Kela o nofo fakatemi i ai.

Senesi 25:18

Na nofo loa a vosa o Isemaele i Avila o kaku ki Suli, leia e ofi ki Esipito, i le ala ki Asilia. Na nofo loa Isemaele mo ona fetaina fuli.

Pesalemo 136:16

Ko ia leia na taki ia lona kakai i le toafa, Talie e lee gato lona manava alofa !

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Pesalemo 78:52

Kae na tuku loa e ia lona kakai ke ano ofaipe se kau ovi fafine, Na taki loa e ia latou i le toafa ofaipe se kau manu.

Pesalemo 78:53

Na taki loa e ia latou i le fimalie, O tupu ke aua na lotou i ki se nea, kae na malemo loa olatou fili i le tai.

Ekesote 17:1

Na mavae loa le fakatasiga katoa o fanau a Iselaele i le toafa o Sini, o mulimuli ki le fakatuutuu leia na tuku e le Eteleno kia latou o uiga mo le fanoga ; ti na lotou nonofo loa i Lefitimi, ti na leaise maua loa e le kakai se vai ke inu i le ganea lena.

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Numelo 33:8

Na lotou mavae loa i mua o Pi-Ailoti, o fakalaka loa i loto malie o le tai ki le toafa ; na lotou saele loa i aso e tolu i le toafa o Etami, ti na lotou nonofo loa i Mala.

Uluaki tosi a Samuele 15:7

Na tamate loa e Saulo a Amaleke mei Avila o kaku ki Suli, leia e agaaga ki Esipito.

Uluaki tosi a Samuele 27:8

Na tau pale loa Tavite mo lana kakai, o taui le kau Kesuli, mo le kau Kisili, ti mo le kau Amaleke ; talie na nonofo a puleaga ana i le fenua talu mei fualoa, mei le potu fenua o Suli o kaku ki Esipito.