Ekesote 15:21 - Tosi Tapu

²¹ Na tali loa Malia ki fanau a Iselaele, o pati : Kotou sua ki le Eteleno, talie kua fakasa e ia lona kololia ; Na laku e ia ki le tai le osi mo le tagata ekeosi.

Ekesote 15:21 Iomraidhean Croise

Lua tosi a Samuele 1:20

Aua na kotou fakasa a ia i Kate, Aua na kotou fakasa le logo i ala o Asekaloni, Talie na fiafia a taineliki o le kau Filisitini, Talie na kakata a taineliki o le kau pagani.

Lua tosi a Samuele 6:14

Na mako loa Tavite i mua o le Eteleno i lona makeke katoa, ti na kofu e ia le efote tea.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Pesalemo 76:6

Kua lotou telefua, latou ala na loto toa, Kua lotou momoe i le moe fakaoki ; Na leaise lotou mafai ke lotou saofaki latou, latou ala ko ni tagata tau fuli.

Ekesote 15:1

Ti na sua loa e Moisese mo fanau o Iselaele le katiko leinei ki le Eteleno. Na lotou pati loa : E kau sua loa ki le Eteleno, talie kua fakamapa e ia lona kololia ; Kua laku e ia ki le tai le osi mo le tagata ekeosi.

Ekesote 15:4

Kua ti e ia ki le tai a saliote a Falaone mo lana kau tau. Kua folo e le tai Kula ana tagata tau makeke.

Apokalipisi 14:3

Ti na lotou sua se katiko foou i mua o le ekeekeaga fakasau, ti mo mua o manu mauuli e fa, ti mo mua o kau matua. Ti na leaise mafai ke ako e se tasi le katiko lena, gato fuai ki le tino lelau tino fa tupu fa afe, ala kua totogi mei le malama nei.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Tuifakamaau 5:3

Sau, kotou fakalogo mai ! Kau aliki, kotou fakalogo mai okoutou taliga ! E kau sua loa, io, e kau sua loa ki le Eteleno, E kau sua loa ki le Eteleno, le Atua o Iselaele.

Uluaki tosi a Samuele 18:6

Na soko foki i le toe liliu mai a le solia, i le oki o le tamate e Tavite o le Filisitini, na nake loa a fafine i kolo fuli o Iselaele ki mua o le sau ko Saulo, o sua mo mako, ki le tagi o ni nafa mo ni pa, mo ni kalaga fakafiafia.

Uluaki tosi a Samuele 18:7

Ko fafine ala na sua na fetaliaki a la ki la, o pati : Na tamate e Saulo lana tino afe, ti ko Tavite lana tino agafulu afe.