Ekesote 15:20 - Tosi Tapu

²⁰ Na too loa e Malia, ko le fafine polofeta, tuagaane o Alone, se nafa ikiiki i lona lima, ti na mulimuli loa iate ia a fafine fuli mo ni nafa liliki, o lotou mako loa.

Ekesote 15:20 Iomraidhean Croise

Senesi 31:27

Kolea na ke sola fakafufu ai, ti na ke kakai ai au ? Kolea na leaise ke fakasa mai ai kiate au ? Na kau tuku loa a koe ke ke ano i loto malie o ni fakafiafia mo ni sua, i le musika o le fa nafa mo le alepe ?

Lua tosi a Samuele 1:20

Aua na kotou fakasa a ia i Kate, Aua na kotou fakasa le logo i ala o Asekaloni, Talie na fiafia a taineliki o le kau Filisitini, Talie na kakata a taineliki o le kau pagani.

Lua tosi a Samuele 6:14

Na mako loa Tavite i mua o le Eteleno i lona makeke katoa, ti na kofu e ia le efote tea.

Lua tosi a Samuele 6:16

I le ulu a le aleka o le Eteleno ki le kolo o Tavite, na tio mai loa Mikale, taine o Saulo, mei le katupa, ti na tio loa a ia ki le sau ko Tavite e soposopo mo mako i mua o le Eteleno ; ti na nukinukii loa e ia a ia i lona loto.

Lua tosi a Samuele 6:5

Na ta e Tavite mo le fale katoa o Iselaele i mua o le Eteleno a nea fai musika kesekese na fau ki le laakau ko le sipele, ni alepe, mo ni lute, mo ni nafa, mo ni pa, mo ni sitale.

Lua tosi o Sau 22:14

Na ano loa le tagata faisakilifisio ko Ilekisa, mo Asikame, mo Akepole, mo Safani, ti mo Asaia, ki le fafine polofeta ko Ulita, avaga o Salume, le vosa o Tikeva, vosa o Alase, le tagata leoleo o kofu. Na nofo a ia i Selusalemi i leia ake fetuu o le kolo.

Uluaki tosi o Koloniko 15:16

Ti na pati loa Tavite ki pule o le kau Levi ke fakatuu olatou fetaina ala na tonu ke sua mo alatou nea fai musika, ni lute, mo ni alepe ti mo ni pa, ti ke lotou fakasa lolatou fiafia lasi ki ni musika logo malie mo makeke.

Uluaki tosi o Koloniko 6:3

Ko vosa o Amilame : ko Alone, mo Moisese, mo Malia lola tuagaane. Ko vosa o Alone : ko Natape, mo Apiu, mo Eleasale, mo Itamale.

Neemia 6:14

Ke ke manatui, ei loku Atua, a Sanepala, mo Topisa, mo ala gaoi ! Ke ke manatui foki a Noatia, le fafine polofeta, mo le kau polofeta leia na faiga ke kau i.

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 150:4

Kotou fakafetai kiate ia i le nafa mo ni mako ! Kotou fakafetai kiate ia i ni nea faimusika va mo le salumo !

Pesalemo 30:11

Fakalogo mai, Eteleno, alofa mai kiate au ! Eteleno, fakamauli au !

Pesalemo 68:11

Na fakatuu loa lou kakai lona nofoaga i le fenua Leia na ke teuteu, ei Atua, i lou agamalie ki le kau mativa.

Pesalemo 68:25

E lotou tio ki lau saele, ei Atua, Ki le polosesio o loku Atua, o loku sau, i le sagatualio.

Pesalemo 68:26

E muamua le kau sua, ti olo atu latou ala e faimusika, I loto malie ko taineliki o ta alatou tapulini.

Pesalemo 81:2

Kotou sua i se fiafia lasi ki le Atua, lotatou makeke ! Kotou fai ni kalaga fiafia ki le Atua o Sakopo !

Ekesote 2:4

Ti na tuu mamao loa le tuagaane o le toe mei se tasi ake ganea, o tio pe kolea le nea leia ka soko loa ki le toe.

Ekelesiasi 3:4

se temi ke tagi ai, ti mo se temi ke kata ai ; se temi ke lauga ai, ti mo se temi ke mako ai ;

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Numelo 12:1

Na masau veli loa Miliamu mo Alone kia Moisese, o tupu ko le fafine Etiopia leia na avaga mo ia : talie na too e Moisese se fafine Etiopia.

Numelo 12:2

Na la pati loa : Pe gato fua ia Moisese e masau ai le Eteleno ? Pe leaise masau foki a ia ia taua ?

Numelo 20:1

Na kaku loa le fakatasi o fanau a Iselaele ki le toafa o Sini i le uluaki masina, ti na nofo loa le kakai i Katesi. I le ganea lena na mate ai loa Miliamu, ti na tanu loa a ia i ai.

Numelo 26:59

Ko le igoa o le avaga o Amilame ko Sokepeti, taine o Levi, leia na tupu loa kia Levi i Esipito ; na fanaui loa e Sokepeti kia Amilame a Alone, mo Moisese, mo Miliamu, lola tuagaane.

Luka 2:36

Na i ai foki se fafine polofeta ko Ana, taine o Fanuele, mei le kutuga o Asele. Kua finematua ai a ia, ti na mauli a ia i fetuu e fitu mo lona avaga talu mei lona taupoou.

Gaoi 21:9

Na maua e ia ni taineliki taupoou e toka fa, ala na kikite.

Uluaki tosi ki le kau Kolinto 11:5

Ti ko le fafine fuli e faikole pe kikite, kae leaise puloui lona ulu, e fakalumai e ia lona pule : E tatau le fafine lena mo leia kua tele lona ulu.

Uluaki tosi ki le kau Kolinto 14:34

ke fakalologo fafine i fakatasi, talie e leaise taga ke lotou masau i ai ; kae ke lotou fakataulalo, ofaipe lona fakasa foki e le lao.

Tuifakamaau 11:34

Na toe liliu loa Sefete ki lona fale i Misipa. Ti ko leinei na ulu ake loa ki fafo lona taine o fakafetaulaki kiate ia mo ni tapulini ti mo ni mako. Ko lana fanau lena e tasi ; na leaise maua e ia sona vosa pe ko se tasi ake taine.

Tuifakamaau 21:21

Ti ke kotou lamalama loa i ai le temi leia e ulu ai loa ki fafo a taineliki o Silo o mako, ke kotou mavae loa mei faisaga vite, ti ke kotou tasi too loa sana taine i taineliki o Silo ke avaga loa mo ia, ti ke kotou liliu loa ki le fenua o Pesamino.

Tuifakamaau 4:4

I le temi lena na tui fakamaau i Iselaele a Tepola, fafine polofeta, avaga a Lapitoti.

Uluaki tosi a Samuele 10:5

I le oki a ia, ti e ke kaku loa ki Kipea-Eloimi, leia e tuu ai le fale solia o le kau Filisitini. I lau ulu ki le kolo, e ke felavei loa mo se kau polofeta leia e ifo mai mei le ganea tapu, ti e muamua ia latou ni tagata fai musika mo alatou alepe, mo alatou nafa, mo alatou kofe pupusi, mo alatou ukalele ; ti e masau kikite le kau polofeta.

Uluaki tosi a Samuele 18:6

Na soko foki i le toe liliu mai a le solia, i le oki o le tamate e Tavite o le Filisitini, na nake loa a fafine i kolo fuli o Iselaele ki mua o le sau ko Saulo, o sua mo mako, ki le tagi o ni nafa mo ni pa, mo ni kalaga fakafiafia.