Ekesote 15:2 - Tosi Tapu

² Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Ekesote 15:2 Iomraidhean Croise

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 49:18

E kau fanaki ki le Eteleno, ko loku tokoi !

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Lua tosi a Samuele 22:47

E mauli le Eteleno, ti ke manuia loku utu ! Ke siki le Atua, le utu o loku fakamauli,

Lua tosi a Samuele 22:51

E soli e ia ni saofaki lalasi ki lona sau, Ti e fakasa e ia lona manava alofa ki lona filifiliia, Kia Tavite, mo lona sakoga, o lee gato.

Lua tosi a Samuele 7:24

Na ke fakamakeke lou kakai ko Iselaele, o tupu ke liliu a ia ko lou kakai o lee gato ; ti ko koe, ei Eteleno, kua ke liliu ko lona Atua.

Lua tosi a Samuele 7:5

Ano o pati ki laku tagata fakasausau ko Tavite : Ko leinei le folafola a le Eteleno : Pe ko koe leia e lagai ia loa kiate au se fale ke kau nofo ai ?

Uluaki tosi o Sau 8:13

Kae kua kau fakatuu se fale leia e liliu loa ko lou fale, se ganea leia e ke nofo ai loa o lee gato !

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Uluaki tosi o Koloniko 16:14

Ko le Eteleno ko lotatou Atua ; E fai ana fakamaau ki le malama nei katoa.

Pesalemo 109:1

Ki le pule o le kau sua. A Tavite. Pesalemo. Atua o laku fakafetai, aua na ke fakaleemu !

Pesalemo 118:14

Ko le Eteleno ko loku makeke mo le tupuaga o aku fakafetai ; Na liliu a ia ko loku fakamauli.

Pesalemo 118:21

E kau fakafetai kiate koe, talie na ke tali mai kiate au, Talie kua ke liliu ko loku fakamauli.

Pesalemo 118:28

Ko koe ko loku Atua, ti e kau fakafetai loa kiate koe ; Loku Atua, e kau sua loa kiate koe.

Pesalemo 132:5

O kaku ki laku maua se ganea ki le Eteleno, Se nofoaga ki le mafimafi a Sakopo.

Pesalemo 140:7

E kau pati ki le Eteleno : Ko koe ko loku Atua ! Eteleno, fakalogo mai lou taliga ki aku tagi !

Pesalemo 145:1

Fakafetai. A Tavite. E kau siki loa a koe, ei loku Atua, loku sau ! Ti e kau fakafetai loa ki lou suafa i temi fuli, o lee gato.

Pesalemo 18:46

E puli le makeke o vosa o le matapule, E lotou lulu i fafo o olatou kolo tau.

Pesalemo 22:10

Io, na ke too au i le manava o loku tinana, Na ke tuku au ki u o loku tinana i le fimalie ;

Pesalemo 22:3

Loku Atua ! e kau tagi i le ao, kae e leaise ke logo ; I le pouli, e leaise kau maua fua se malolo.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 28:8

Ko le Eteleno ko le makeke o lona kakai, Ko le utu o fakamauli o lona filifilia.

Pesalemo 30:1

Pesalemo. Katiko ki le fakatapu o le fale tapu. A Tavite.

Pesalemo 34:3

Ke fakakololia loku laumalie i le Eteleno ! Ke logo ki ai latou e mamae ti ke lotou fiafia !

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Pesalemo 59:17

Kae ko au, e kau sua loa lou makeke ; Talu mei le usu, e kau fakafetai loa ki lou agamalie. Talie ko koe ko se maloloaga taualuga kiate au, Ko se solaaga i le aso o le mamae.

Pesalemo 68:20

Ke fakafetai ki le Aliki i aso taki tasi ! Ka teki ni kavega mamafa kia matou, e fakamauli matou e le Atua. - Manava.

Pesalemo 99:5

Kotou fakafetai ki le Eteleno, lotatou Atua, Ti kotou punou i mua o lona tekiaga vae : E maokioki a ia !

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 4:22

E ke pati loa kia Falaone : E masau le Eteleno, o pati : Ko loku vosa Iselaele, loku uluaki.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 3:23

Io, ko le loi katoa le logoa leia e au mei mauga liliki mo mauga lalasi ; Io, ko le Eteleno, lomatou Atua leia e maua ai le fakamauli o Iselaele.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Apakuki 3:13

E ke ulu o saofaki lou kakai, O saofaki lou filifiliia. E ke fatii le taufufu o le fale o le tagata agaveli, E ke maumaui oki lona fale katoa… - Manava.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Luka 1:77

O tupu ke fakasa ki lona kakai le iloa o le fakamauli I le fakamolemole o ana agasala,

Luka 2:30

Talie kua tio oku mata ki lau fakamauli,

Soane 4:22

E kotou atolasio ki le nea leia e leaise kotou iloa ; ko matou, e motou atolasio ki le nea leia e motou iloa, talie e au le fakamauli mei le kau Sutea.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Tetelonome 10:21

Ke ke tuku le fakavikiviki ki le Eteleno, talie ko ia ko lou Atua : Ko ia leia na fai ia a gaoi lalasi mo fakaii fuli ana i loto malie o ou, ala na tio ki ai ou mata.

Filipe 2:11

ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Filipe 4:13

E kau mafai a nea fuli i leia e fakamakeke ia au.

Kolose 2:9

Talie e nofo fakatino iate ia le apeleaga katoa o le Atua.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 19:1

I le oki o le nea lena, na kau logo loa i le lagi ofaipe se leo makeke o se kakai toka api leia na pati : Aleluia ! Ke tuku ki lotatou Atua le saofaki, mo le kololia, mo le mafimafi,

Tuifakamaau 5:21

Na ave latou e le liua o Kisoni, Io, e le liua o temi afea, le liua o Kisoni. Ei loku laumalie, ke ke takatakafi ki ou vae le kau toa !