Ekesote 15:17 - Tosi Tapu

¹⁷ E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Ekesote 15:17 Iomraidhean Croise

Lua tosi a Samuele 7:10

na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Uluaki tosi o Sau 8:13

Kae kua kau fakatuu se fale leia e liliu loa ko lou fale, se ganea leia e ke nofo ai loa o lee gato !

Pesalemo 114:2

Na liliu loa a Suta ko lona sagatualio, Na liliu loa a Iselaele ko lona puleaga.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 44:2

Ei Atua ! na motou logo i omatou taliga, Na fakamatala mai kia matou e omatou tamana, A gaoi lalasi ala na ke fai i olatou aso, le temi mua.

Pesalemo 68:16

Mauga o le Atua, mauga o Pasani, Mauga e tumutumu mauke, mauga o Pasani,

Pesalemo 76:2

E iloa le Atua i Suta, E lasi lona suafa i Iselaele.

Pesalemo 80:15

Ei Atua o kau tau, toe liliu mai ! Tagaki mei lagi, o tio ! Fai se nea ki le vite leinei !

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 23:20

Ko leinei, e kau kakau se aselo i ou mua, ke puipui ia a koe i le ala, ti mo fakakaku ia a koe ki le ganea leia kua kau teuteui.

Ekesote 25:8

E lotou fau loa se sagatualio kiate au, ti e kau nofo loa i loto malie o latou.

Ekesote 32:34

Ano, taki le kakai ki le ganea leia na kau pati atu ki ai. Ko leinei, e saele loa loku aselo i ou mua, kae i le aso o laku lagavaka, e kau tautea loa latou i lalatou agasala.

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Selemia 31:23

E folafola le Eteleno o kau tau, le Atua o Iselaele, o pati : Ko leinei foki le tasi a nea e toe masau loa ki ai i le fenua o Suta ti mo ona kolo, Mo ka kau toe aumai loa olatou kau popula : Ke tapuaki le Eteleno kiate koe, nofoaga o le faitotonu, Mauga maokioki !

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Esekiele 37:26

E kau fai loa mo latou se sai o le tokamalie, ti e i ai loa se sai lee gato mo latou : e kau fakanofo loa latou i ai, ti e kau liuliuga loa latou, ti e kau fakatuu loa loku fale tapu i loto malie o latou ki le lee gato.

Esekiele 37:28

Ti e iloa loa e atu puleaga ko au ko le Eteleno, ti kua kau fakatapui Iselaele, ke tausi kiate au, i le aso leia e toe fakatuu ai loa loku fale tapu i lotolotoga o latou o lee gato.

Tetelonome 33:19

E la kalagai loa a kakai ki le mauga ; I ai, e lotou momoli loa ni sakilifisio o le faitotonu, Talie e lotou mimiti loa a koloa o le tai, Ti mo koloa fufu i le one.

Sosue 22:19

Kapau e kotou tio e kelekele lokoutou tofiga ki le Eteleno, ti ke kotou au ki le fenua totonu o le Eteleno, leia e tuu ai le nofoaga o le Eteleno, ti ke kotou maua i ai se tofiga i loto malie o matou. Kae ke aua na kotou fakafesagai ki le Eteleno, ti ke aua na kotou fakafesagai kia matou, o fakatuu se aletale kese kia koutou kae tiaki le aletale o le Eteleno, lokoutou Atua.