Ekesote 14:3 - Tosi Tapu

³ Talie e pati loa Falaone ki fanau a Iselaele : Kua lotou sese i le fenua ; kua takatakai latou e le toafa.

Ekesote 14:3 Iomraidhean Croise

Pesalemo 139:2

E ke iloa mo ka kau tonatona ki lalo, ti mo ka kau tuu ki aluga, E ke ului mei mamao laku manatu ;

Pesalemo 139:4

Talie e leikiaise kaku le masau ki loku alelo, Kae kua ke iloa katoa a ia, ei Eteleno !

Pesalemo 3:2

Ei Eteleno, e lasi ai oku fili ! E api ai latou ala e agatuu mai kiate au !

Pesalemo 71:11

O pati : Kua tiaki a ia e le Atua ; Kotou tuli a ia, kotou tapo a ia ; e leaise tasi ke saofaki ia a ia.

Ekesote 14:2

Masau ki fanau a Iselaele ; ke lotou afe, ti ke lotou fakatuu lolatou nofolaga i mua o Pi-Ailoti, i le vasa o Miketoli mo le tai, o agaaga ki Paale-Sefoni ; e kotou nonofo loa i mua o le ganea lena, i tafa o le tai.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Esekiele 38:17

Koia e folafola ai le Aliki, le Eteleno, o pati : Pe ko koe leia na kau masau ki ai i mua I aku tagata fakasausau le kau polofeta o Iselaele, Ala na kikite i le temi a ia, i lolotoga o fetuu, E kau aumai loa a koe kia latou ?

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tuifakamaau 16:2

Na fakasa loa ki le kakai o Kasa : Kua tau mai a Samisoni ki leinei. Ti na lotou takatakai loa le fale, ti na lama loa a ia i le po katoa lena i le matapa o le kolo. Na leaise latou fai ia se nea kia Samisoni i le lolotoga o le pouli katoa, o lotou pati : E tou tamate loa a ia i le usu apogipogi.

Uluaki tosi a Samuele 23:23

Kotou tioi fakamalielie a ganea fuli ala e mumuni ai, ti kotou toe liliu mai kiate au mo ni logo maoki, ti e kau ano loa mo koutou. Kapau e nofo a ia i le fenua, e kau afa loa a ia i tino afe mo afe o Suta.

Uluaki tosi a Samuele 23:7

Na logo loa Saulo kua ano Tavite ki Keila, ti na pati loa a ia : Kua tuku loa a ia e le Atua ki oku lima ; talie kua au a ia o ulu ki se kolo e i ai ni ona matapa mo ni ona loka.