Ekesote 14:25 - Tosi Tapu

²⁵ Na too loa e ia a teka o alatou saliote ke faigataa ai lalatou saele. Ti na pati loa le kau Esipito : Tou sosola i mua o Iselaele, talie kua kau le Eteleno mo ia o tau ki le kau Esipito.

Ekesote 14:25 Iomraidhean Croise

Lua tosi o Koloniko 20:29

Na mafola loa le i ki le Eteleno i puleaga fuli o la ake fenua, i le logo na taai e le Eteleno a fili o Iselaele.

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Neemia 6:16

I le logo omatou fili fuli ki le nea lena, na i loa a puleaga fuli i omatou tafatafa, ti na lotou luma lasi loa, o tupu na lotou iloa loa kua soko le gaoi i le finegalo o lomatou Atua.

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Sopo 11:20

Kae e gaegae loa a mata o le kau agaveli, e leaise se solaaga kia latou ; Ti ko le mate, ko lena lolatou amanaki fakamuli.

Sopo 20:24

Kapau e sao a ia i masafu ukamea, Kae lavea loa a ia i le kalolo sila.

Sopo 27:22

E fana fakaveliveli e le Atua ana gasau kiate ia, Ti e oli a ia ke sola ke sao i gasau.

Pesalemo 35:1

A Tavite. Eteleno ! Puipui au i oku fili, Ke ke tau kia latou ala e tau mai kiate au !

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Pesalemo 68:12

E tuku e le Aliki se folafola, Ti ko le kau fafine avelogo malilie e faipe se kau solia :

Pesalemo 76:6

Kua lotou telefua, latou ala na loto toa, Kua lotou momoe i le moe fakaoki ; Na leaise lotou mafai ke lotou saofaki latou, latou ala ko ni tagata tau fuli.

Ekesote 14:14

E tau loa le Eteleno o fetogi koutou ; kae ko koutou, ke kotou fakaleemu.

Ekesote 14:18

Ti e iloa loa e le kau Esipito ko au ko le Eteleno, mo ka fakasa loa loku kololia e Falaone, mo ana saliote, ti mo lana kau ekeosi.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 15:3

Ko le Eteleno ko se tagata tau toa a ia ; Ko Eteleno ko lona igoa a ia.

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Selemia 51:21

Iate koe na kau fatii le osi mo le tagata ekeosi ; Iate koe na kua fatii le saliote mo leia e eke i ai.

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.

Amosi 9:1

Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Tetelonome 1:30

Ko le Eteleno, lokoutou Atua, leia e saele i mua o koutou, e tau loa kia koutou, ofaipe lana fai kia koutou i Esipito, i okoutou mua,

Tetelonome 3:22

Ke aua na ke i kia latou ; talie e tau loa le Eteleno, lokoutou Atua, kia koutou.

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Sosue 10:14

Na leaise toe soko loa se aso o tatau mo le aso lena, i mua atu mo muli mai, leia na fakalogo ai loa le Eteleno ki le leo o se tagata ; talie na tau loa le Eteleno o tupu ko Iselaele.

Tuifakamaau 4:15

Na veuki loa e le Eteleno i mua o Palaki, ki le mata o le seleta, Sisela, mo ana saliote fuli ti mo lona nofolaga solia katoa. Na ifo loa Sisela mei lana saliote, o sola lalo.